Skip to main content
Many King County facilities are closed to the public, and many services are being offered remotely. Learn more about changes and cancellations.  
King County logo

Stay Home, Stay Healthy

የዋሽኝግተን ክፍለ ሃገር መሪ Jay Inslee ለመላ ዋሽኝግተን ነዋሪዎች (Stay Home, Stay Healthy) የሚል ትእዛዝ በ 03/23/2020 ሰተዋል። ይህ አዋጅ እንዲህ ይላል፣

  • የዋሽኝግተን ክፍለ ሃገር ነዋሪዎች በሙሉ፡ኣስፈላጊ ለሆኑ እንቅስቃሴዎች ካልሆነ በስተቀር፡ ከቤቶቻችው እንዲቀመጡ
  • ማንኛውም ስብሰባ፣ ማህበራዊ፡ መንፈሳዊ ወይም መዝናኛ ተከልክለዋል
  • ግዴታዊ ወይም አስፈላጊ ያልሆኑ ሥራ ቦታዎች ሊዘጉ ይገባቸዋል። ከርቀት ሁነው ሥራ ቤቱን ማንቀሳቀስ ከቻሉ፣ ሥራ መቀጠል ይፈቀዳል። አስፈላጊ ሥራ ቤቶች የሚባሉት አነዚህ ያጠቃልላል፤ የምግብ ሱቅ ገበያ፣ መድኃኒት ቤቶች (ፋርማሲ)፣ ባንኮች፣ ሕክምና ቤቶች፤ የመብራትና ውኃ ኣገልግሎት ሰጪዎች፤ የመጓጓዣ ኣገልግሎቶች፣ ልጅ ጥበቃ (Child Care) ወዘተ

አዲሱ ትእዛዝ እስከ 04/06/2020 ይዘልቃል። ግዴታዊ ወይም አስፈላጊ ያልሆኑ መስሪያ ቤቶች እስከ 04/08/2020 አይከፈቱም።

ምን ይፈቀዳል፤

  • የምግብ ሱቅ(ግሮሰሪ) ሂዶ መግዛት፣ ምግብ ገዝቶ ይዞ መዉጣት (ቴክ-ኣውት) ከቤት ሆኖ የሚታዘዝ (ደሊቨሪ) አገልግሎቶች ይፈቀዳሉ
  • ወደ ህክምና ቀጠሮና መድኃኒት ቤት (ፋርማሲ) መሄድ
  • በእግር መራመድ፣ መሮጥ፣ ብስክሌት መንዳት፣ የቤት አትክልት ስራዎች። ይህን ሲያደርጉ ከሌላ ሰው የ6 ጫማ ርቀው ይኑርዎት።
  • ወደ ነጻ ምግብ እደላ ቤት (ፉድ ባንክ) ፣ ነዳጅ ማደያዎች፣ ባንኮች፣ ሸቀጣሸቀጥ ሱቆችና፣ ልብስ እጠባ ቤቶች
  • የነዚህ አስፈላጊ ሥራ ቤቶች ኣካል ከሆኑ ስራዎን ይቀጥሉ

ምን ተከልክለዋል፤

  • በአካል፣ ለማህበራዊ ወይንም ለመዝናኛ ተብለው በሚዘጋጁ ስብሰባዎች መካፈል
  • በስፖርት ግጥምያ ወይም ስፖርታዊ ልምምድ ላይ መካፈል ወይንም ሂዶ ማየት
  • ከሰርግና ቀብር ስርዓት መሳተፍ
  • አምልኮ ስርዓት መሳተፍ
  • ቤተ-መዘክር፣ ቲያትር፣ የስነ-ጥበብ አዳራሽ መጎብኘት፣ ወይንም የገንዘብ መዋጮ ስብሰባ መገኘት
  • ወደ ሙዚቃ፣ ፈስቲቫል እና የሰልፍ ዝግጅቶች መሄድ
  • ከጂም ሄዶ ስፖርት መስራት
  • ወደ ጥፍር ሳሎን፣ ጸጉር ቤት፣ ወይንም ታቱ ቤት መሄድ
  • ወደ መጠጥ ቤት ወይንም ምግብ ቤት መሄድ (ሁለቱ ኣስቀድመው የተከለከሉ ናቸው)

COVID-19 ምንድነዉ?

COVID-19 (በፊት "ኖቬል ኮሮናቫይረስ” ተብሎ የሚታወቀዉ) ከሰዉ ወደ ሰዉ እየተሰራጨ ያለ አዲስ ቫይረስ ነዉ። ምንጩ ከቻይና ሆኖ በአሁኑ ሰዓት አሜሪካና ብዙ ሌሎች አገሮች ይገኛል።

እንዴት ነዉ ኖቬል ኮሮናቫይረስ (COVID-19) የሚሰራጨው?

የጤና ባለሙያዎች ስለስርጭቱ አሁንም ተጨማሪ እየተማሩ ነው። በአሁኑ ሰዓት ይሰራጫል ተብሎ የሚታሰበዉ፡

  • በበሽታዉ የተየዘ ሰዉ ስያስነጥስና ስያስል በትንፋሽ ጠብታዎች ዉስጥ
  • ቅርብ ለቅርብ በሆኑ ሰዎች መካካል (በ6 ጫማ ርቀት ዉስጥ)
  • ቫይረሱ ያለበት ነገር ከነኩ በኋላ አፍ አፍንጫ ወይንም ዐይን በመንካት

ምልክቶቹ ምንድን ናቸው?

የኖቭል ኮሮና ቫይረስ እንዳለባቸው በምርመራ የተረጋገጠባቸው ሰዎች ለቫይረሱ ከተጋለጡ በኋላ ቢያንስ በ2 ቀናት ውስጥ ወይም ቢበዛ እስከ 14 ቀናት ድረስ ምልክቶች ይታዩባቸዋል።

ምልክቶቹ ምንድን ናቸው?

የህዝብ ጤና ለከፋ ህመም ተጋላጭነት ስጋት ላለበቸው ሰዎች ቤት እንዲቀመጡና ብዙ ሰዎች ካሉበት ስፍራ በተቻለ መጠን እንዲርቁ ይመክራል። የከፋ ህመም ተጋላጭነት ስጋት ያለባቸው ሰዎች የሚጨምረዉ፡

  • ከ60 ዓመት በላይ የሆኑ
  • ሌላ ቀደም ያለ የጤና ችግር ያለባቸው፤ የልብ ህመም፣ ሳምባ በሽታ ወይንም ስኳር ያለባቸውን ጨምሮ
  • በሽታ የመከላከል አቅማቸዉ ደካማ የሆኑ
  • እርጉዝ የሆኑ

ማንኛዉም የጤናቸው ሁኔታ ለከፋ COVID-19 ህመም ተጋላጭ እንደሚያደርጋቸዉ ጥያቄ ካላቸው ከሃኪሞቹ ጋር መማከር አለባቸው።

በዚህ ወሳኝ የድንገተኛ ወቅት ከተቻለ ብዛት ያለቸዉን ሰዎች አንድ ላይ ማምጣትን ማስወገድ፣ ኩነቶችንና ስብስባዎችን ማስተላለፍ። ሰዎች አንድ ላይ ማምጣትን ማስወገድ የማይችሉ ከሆነ፤

  • የታመመ ሰዉ እንዳይሳተፍ መገፋፋት
  • ለ COVID-19 በከፍተኛ ተጋላጭ የሆኑትን እንዳይሳተፉ ማበረታታት
  • ለሰዎች ብዙ ክፍተት ለመስጠት መንገድ መፈለግ በተቻለ መጠን ቅርብ ለቅርብ እንዳይሆኑ
  • ተሳታፊዎችን እንደ ቶሎ ቶሎ እጅ መታጠብ ያሉትን መልካም ልማዶችን እንዲቀጥሉበት ማበረታታት
  • በየጊዜዉ ነገሮችን ላያቸዉን ማጽዳጥ። መደበኛ ማጽጃዎች በCOVID-19 ላይ ዉጤታማ ናቸው።

መጋቢት (ማርች) 12 2020 የዋሽንግተን ስቴት ገዢ ጄ እንስሌ በኪንግ፣ ስኖሆሚሽ፣ ና ፒርስ ካውንቲዎች የሚገኙ ሁሉም ትምህርት ቤቶች ከመጋቢት 17 እስከ ሚያዚያ 24 ድረስ እንዲዘጉ አሳዉቀዋል። ይህ ዉሳኔ የሆነዉ በከባድ ሁኔታ በቫይረሱ ለተመቱ የዋሽንግተን ካዉንቲዎች የCOVID-19 ስርጭት ምላሽ ነው።

ከርስዎ በተለይ ደግሞ ለCOVID-19 በከፍተኛ ተጋላጭ ለሆኑት ስጋት ለመቀነስ፤

  • ቤት ይቆዩ በተጨማሪም ሲታመሙ ህዝብ ወዳለበት እንዳይወጡ።

  • አስፈላጊ ካልሆነ በስተቀር ህክምና አካባቢ መሆንን ማስወገድ። ሆኖም ከታመሙ ወደ ዶክተርዎ ቢሮ ከመሄድዎ በፊት ይደዉሉ።

  • ባይታመሙም እንኳን በተቻለ መጠን ሆስፒታሎችን፣ የረጅም ግዜ መንከባከቢያ ቦታዎችን ወይንም ነርሲንግ ቤቶችን መጎብኘትን ያስወግዱ። ከነዚህ ቦታዎች አንዱ ጋ መሄድ ካለብዎት፣ ከዚያ የሚቆዩበትን ግዜ ይገድቡ በተጨማሪም 6 ጫማ ከታማሚዎች ይራቁ።

  • አስፈላጊ ካልሆነ በቀር ድንገተኛ ክፍሎች እንዳይሄዱ። የድንገተኛ ህክምና አገልግሎቶች ቅድምያ በጣም ለተጎዱት ነዉ ማገለገል ያለባቸዉ። ሳል፣ ትኩሳት ወይንም ሌላ ምልክት ካለብዎ መጀመሪያ መደበኛ ዶክተርዎ ይደዉሉ።

  • እጅዎን በሳሙናና ዉሃ በየጊዜዉ መታጠብ፣ በሶፍት ወይንም ክንድዎ ላይ ማሰል፣ ና ዐይኖን፣አፍንጫ፣ ወይንም አፎን መንካት ማስወገድን ጭምር ያሉትን ምርጥ የግል ንጽህና ልማዶችን ያድርጉ።

  • በተለይ ለኮሮናቫይረስ በከፍተኛ ተጋላጭነት ስጋት ያለብዎት ከሆኑ ከታመሙ ሰዎች ይራቁ።

  • በየጊዜው የሚነኩ እቃዎችንና ላያቸዉን ያጽዱ (እንደ በር እጀታዎችና መብራት ማብሪያ/ማጥፊያዎች)። መደበኛ የቤት ማጽጃዎች ዉጤታማ ናቸዉ።

  • ብዙ እረፍት ያግኙ፤ ብዙ ፈሳሽ መጠጣት፤ ጤናማ ምግቦችን መብላት ና ጫናዎትን መቆጣጠር የሰዉነትዎን በሽታ የመከላከል ችሎታን ጠንካራ እንደሆነ ለመጠበቅ።
  • የኪንግ ካዉንቲ የኖቬል ኮሮናቫይረስ ጥሪ ማእከል 206-477-3977። ይህ የአገልግሎት መስመር ከጧት 8 ስዓት እስከ ምሽት 7 ሰዓት በየእለቱ ክፍት ነዉ።

  • የዋሽንግተን ስቴት የኖቬል ኮሮናቫይረስ ጥሪ ማእከል 1-800-525-0127 ና #ን ይጫኑ። ይህ የአገልግሎት መስመር ከጧት 6 ስዓት እስካ ሌሊት 10 ሰዓት በየእለቱ ክፍት ነዉ።

ኦፕሬተሮቹ ከሶስተኛ ወገን አስተርጓሚ ጋር ማገናኘት ይችላሉ። የየትኛው ቋንቋ አስተርጓሚ እንደሚፈልጉ በእንግሊዘኛ መንገር መቻል አለብዎት። ለረጅም ጊዜ መስመር ላይ ልጠብቁ ይችላሉ።

እርስበርስ ለመረዳዳት ዝግጁ ሁኑ። ጠንካራ የመተሳሰብ ስሜት ከዚህ ከባድ ወቅት እንድናልፍ ይረዳናል።