Skip to main content
King County logo

Epidodo ňan itok ioon meļeļe in kejparok ko rejjab ṃool kin wᾱ in bōbrae eo an corona virus. Jet iaan meļeļe kein rejjab ṃool rej bed online im kin naan in elọňiňi ko im rekoṃṃan abwiņōņō. Emaron in bin ňan jeļᾱ ta eo kon tōmake, eṃōj jekar kajutak e peij in ňan jipaň meļeļe kin ṃool ko.

ṂOOL KO: Ejelak menko ilo wa in emaron kaman bwe kwon edeb.

Meļeļe ko rejjab ṃool: Viral video ko rej kwalok menko rerian ke wa in emaron kaman bwe peim en edeb.

Ilo ṃool: COVID-19 wa in eban edeb ilo enbwinim, ekoba jikin wa ko (ilo peim).

Ejelok wa en ewor menin edeb ie. Aolepen wa ko an COVID-19 eban edeb bwe ejelak metal enwot ion, kaba, cobalt, lithium, ak menko jet. Menkein eban wor menko enwot microelectronics, electrodes, carbon nanotubes, or nanowire semiconductors.

Lale menko rej likit ilo wa in COVID-19 ilo FAQ page eo ad: COVID-19 Wᾱ in Bōbrae FAQ – City of Seattle.


ṂOOL KO: COVID-19 EBAN kõmman oktak ko ilo wawen an men ko rej kõjbwebweik an anbwinum jerbal im na etaer genes ak DNA

Meļeļe ko rejjab ṃool: Ewōr kaamijak ko ke wᾱ in bōbrae kein rej maroň ukukot DNA ko an armej im ukutok bōnjan ak ukot epepen ko an baamle eo.

Ilo ṃool: Aolepen wá ko ruo Moderna im Pfizer rej kõjerbal juõn men na etan Messenger RNA (ak mRNA). mRNA ej kipel anbwinud bwe en kejbarõk kõj make ilo an ejaak kij in tarinae ko im ko jet im remaroñ in tarinaik an mõñañe kij ko.

mRNA eo ilo wá in COVID-19 ejamin dreloñe iolaplap in cell ko anbwinud – ijo im DNA ko ad rej bed ie. Melele in menin, mRNA eo eban jelet DNA ko ad ñan jidik. Dedelok in an mRNA kamineneik cell ak kij ko ilo anbwinud, enzymes ak õõn in mõña ko rej likliki mRNA eo bwe en jakolok jan anbwinud.


ṂOOL KO: Wa in COVID-19 ko reban lewaj kij in coronavirus nan eok.

Meļeļe ko rejjab ṃool: Ewōr meļeļe ko rejjab ṃool bwe wᾱin bōbrae ko an COVID-19 renaaj maroň lewaj COVID-19 ňan eok.

Ilo ṃool: Ejelok virus ak kij in coronavirus ilo wá kein. Koban bok kij in coronavirus jan am bok wá kein.

Wa kein rej katakin cell ko ilo anbwinud kilen an kile õõn ak protein eo im ein jekjek in lok wot ko jej loi iion coronavirus. Nan an lelok wawen an jerbal, wa kein rej kojerbal kein leto letak melele eo na etan RNA (mRNA) ak kij ko im rejjab kanooj kauatata einwot ko ilo iien ad bok mej in bwe e jab komman naninmej.Anbwinud ej katak kilen an kile protein ak oon in im kabojak.


ṂOOL KO: Wᾱ in bōbrae ko an COVID-19 remaroň koṃṃan kakōļļe in flu ko reddrik, ak abwiňōňō ko rellap rejeja.

Meļeļe ko rejjab ṃool: Ewōr meļeļe ko rejjab ṃool bwe wᾱ in bōbrae kein rekutkut aer koṃṃan abwiňōňō reļļap, im etan in anaphylaxis, ej koṃṃan menin an armej likun dọlel.

Ilo ṃool: Aet kwomaroñ iñjake metak bar, metak peum, emõkmõk ak bwil raan ne wõt ak ruo raan alkin am wá. Ijoke, am iñjake men kein ejamin aetok kitien ak rej einwõt kõkkale ke wá in e jerbal.

Ejeja an lõn rej kadõk im drolool (anaphylaxis) jan uno kein, ak ej lõñ wõt emaroñ kadõk, elaptata ñan ro im ekka im bidodo aer kadõk uno. Mekarta, elõñ unokaer.

Menin jibañ im lolorjake ko rebojak, elañe naj aikuji. Alkin am wá, naj jiroñ eok bwe kwõn kõttar ilo jikin wá eo iumin 15 minit ñan etale ke ejelok men en kwõj iñjake jan am kar wá.

Eļaňňe ewōr aṃ eo naňinmej in abwiňōňō jen wᾱ in bōbrae eo kwar bōke jinountata, kojjab maroň in boke wᾱ in bōbrae eo kein karuo. Ňan meļeļe ko reļļap ļọk kin boke wᾱ in bōbrae ko, lale menin CDC guidance.


ṂOOL KO: Wᾱ in bōbrae eo an COVID-19 ko ejeļọk tracking chips ie, fetal tissue ko, pork product ko, aen ko rekawōtata ak kabebeien ko rejjab eṃṃan.

Meļeļe ko rejjab ṃool: Internet eo ebooļ meļeļe ko rejjab ṃool ie.

Ilo ṃool: Kááre eo aorõk tata ilo wá kein ruo, Pfizer im Moderna ej juõn menin kõmanman ak genetic material na etan mRNA. mRna ej kõjlaik kij ko anbwinum wawen an kile COVID-19 im kejbarok eok jan am bõke. Ebar lõn kááre ko ilo wá kein einwõt lipids, jool, acedic acid (juon kein kaare ekka kojerbal e ilo vinegar) im juka. Ilo wá ko an Johnson & Johnson (J&J) , kein kaare eo aorok tata ej kij ne ilo ad bok mej in, ak rej ukote bwe en jab ejaak naninmej. Wá eo an J&J ebar lon kaare kein (jool alcohol, polysorbate 80, hydrochloric acid) im amino acid.

Elikun iietlok kein kaare ko ilo wá kein jan ko jet.


ṂOOL KO: Ňan kaṃōkajkaj kajemļọk ajeedeed eo, wᾱ in bōbrae eo an COVID-19 ko renaaj jipaň aolep. Wᾱ in bōbrae ko renaaj kadrik ļọk deļọň ilo Hospital im mij in armej ro uwaan ro im rekawōtata, ekoba jukjuk in bed ko im unokan kilier im enana kilen kaṃṃan ňan er ien ajedeed in naňinmej in e jelet er.

Meļeļe ko rejjab ṃool: Ňan leļọk bwebwenato im jorᾱᾱn ko ņae ro im e oktak unokan kilier ilo jikin ejmour ko, ewōr an armej abiňōňō kin jeňọn kaṃṃan ko im rejelet jerbal in wᾱ in bōbrae ko, ekoba wōn ro rej maroň ak rejjab maroň kakobaik er ilo ien kamelmel in wᾱ in bōbrae ko. Elōň kajitōk ko rellōň eṃōj aer jarjar kin ia ko jukjuk in bed ta ko rekar kajerbal e er einwōt kein ekaatōk, ak meļeļe in ke Rikilmeej, Rilatino ro, im Rintien ro rekar joļọk er jen kamelmel in wᾱ in bōbrae ko.

Ilo ṃool: Mokta jan an kar ejaak wá in COVID-19, ro im rej jutak kin jimwe im wõnmanlok ko an armej rõkar lelõntak aer bere ak inebata ikijeen joráán ak kalijeklok jan tõre ko moktalok im rej wõnmanlok wõt im rejelet Rikilmeej, Ri-aeloñ ko kajojo, im ro oktak kõlar in kilier jan mouj. Kamolol bwe kin kijetoto in jerbal ko aer, ro joñoun im men taujin im rõkar bõk kunaer ñan ekatak im drenjuik wa kein e kitbuujj koba in kajojo ri-aeloñ ko. Ebar alikar ke wa kein rej jerbal ibben kajojo ri-aleoñ ko kajojo.

Nan kakobaba, ro e oktak kilier jan mouj rõkar mõttan ro rõkar tel im ejaake wá kein. Nan waanjonok, Dr. Kizzmekia Corbett, ej juõn Rikilmeej im etijemlok einwõt juõn scientist im ej tel ro rej ejaak im etali wá kein ilo National Institute of Health.

Jukjuk in bed ko an Rikilmeej, Native American, Latino, im Pacific Islander ekar lap aer bed iloñ ilo oran ro rokar dreloñe jikin takto ko im rimej jan nañunmej in COVID-19 ilo King County. Jukjuk in bed kein renaj mõttan ro im elap aer naj bõk jibañ ilo an naj wá kein kejbarok er.