Tui puipuia mo le KOVITI-19
Tesema 14, 2022: O tui puipuia mo le Soifua Malōlōina ato’atoa le fa’afouina ua avanoa nei. O tui nei ua fa’asino tonu ina ia tineia le siama o le Omicron ma ona vaega eseese o lo’o fa’asalauina ae le gata i lea o le siama autū o le COVID ma ona vaega.
E tatau ona faia sou tui puipuia mo le Soifua Malōlōina ato’atoa le fa’afouina pe afai:
- Ua e 6 masina pe sili atu,
- Ua ato’atoa ona tuina oe i vaega tui puipuia muamua (o tui e lua o le Moderna/Pfizer/Novavax po’o le tui e tasi o le Johnson & Johnson), ma
- Pe afai ae ua lua masina talu na uma lou tui mulimuli (tui mulimuli o ou tui puipuia muamua po’o ou tui puipuia ato’atoa)
O’i latou uma o le a agava’a e tatau ona tuiina i tui puipuia mo le Soifua Malōlōina ato’atoa le fa’afouina aemaise i latou e matutua atu i le 50 tausaga po’o i latou e vaivai o latou alagātoto po’o isi fa’ama’i e pei o a’afiaga o le suka ma le fatu.
Fa'aaliga: Tamaiti mai le 6 masina e o'o i le 4 tausaga o lo'o maua le fa'asologa muamua o le Pfizer o le a maua le aofa'i o tui e 3. Afai latou te le'i mae'a le fa'asologa, o le a latou maua se tui puipui o le Pfizer e avea ma a latou tui muamua lona tolu. Pe afai ua māe'a ona faia e lau tama le faasologa autū e 3 o le Pfizer, e latou te lē faia la se tui e faaleleia ai le tino.
Mo nisi fa’amatalaga e fatatau i nei tui, asiasi ane i luga o upega tafa’ilagi, Itulau ole tui ole COVID-19 mai le sitete of Uosigitone.
O fa'amatalaga e fa'atatau i le ofoina atu o le tui o le a fa'afouina i taimi uma. O lo'o matou galulue nei e fa'afouina fa'aliliuga fa'avavevave, ae o le a i ai se fa'atuai ona o le taimi e mana'omia ai le fa'aliliuga ma tu'uina atu i luga o upega tafa'ilagi. Fa'afetai lava mo lou onosa'i.
O fa'afouga fou lata mai i le fa'aPeretania e maua i le kingcounty.gov/covid/vaccine.
O tagata uma e ta'i 6 masina ma matutua atu o lo'o agava'a nei mo tui COVID-19 ma tui fa'aola.
Saili mo nisi auala e agavaa ma maua le tui puipuia ile King County.
Punaoa:
- Ata fa'aalia o Tui puipui o le COVID-19, Washington State Department of Health
Punaoa:
- Ta’iala Fa’asinoina o Tui Puipui o le Booster o le KOVITI-19 mo Tagata Uma, Washington State Department of Health
- Ta'iala Fa'asinoina o Tui Puipui o le COVID-19 mo Tagata Uma e Vaivai Puipuiga Fa'alenatura o le Tino , Washington State Department of Health
E fautuaina e le Nofoaga ‘Autū o le Puleaina ma Puipuiga o Fa’ama’i (CDC) so'o se tasi e 5 tausaga ma matutua atu, o lo'o feololo pe matuā vaivai puipuiga o ō latou tino (immunocompromised) ina ia faia ni o latou tui lona tolu. O le tui lona tolu o se vaega o la latou fa'asologa muamua o tui, ae le o se tui fa'aopoopo (booster).
Asiasi i le Faia o le tui i King County mo nofoaga ma taimi e fai ai tui.
E leai se totogi po'o se tau o le tui puipui o le KOVITI-19, tusa pe leai ni ou pepa nofomau pe leai fo'i sau inisiua. O le tui ua aofia I le polokalama a le Medicare, Medicaid ma le tele o inisuia totogi patino a tagata lava ia, ma o le tau o le ᾱ leai se totogi mo tagata e leai ni inisiua.
O tagata po'o ofisa o lo'o ofoina atu le tui puipui o le KOVITI-19 ē lē mafai ona:
- I ai se tau mo le tui
- I ai se tau mo tagata ofisa po'o nisi lava tau fa'atulagaina fa'ainisiua.
- Tete'e atu tui mo so'o se tagata e leai se inisiua, pe la'ititi lana inisiua, pe le'o i ai I lalo o le va'avaiga a le foma'i
- I ai se totogi mo le asiasi atu o lenei tagata i le ofisa e patino i le tui puipui o le KOVITI-19
- Ofoina atu isi itu'aiga mea ina ia mafai ona ofoina atu le tui puipui o le KOVITI-19, peita'i e mafai ona fa'atagaina isi galuega fa'afoma'i I le taimi lava lea pe afai ona ofoina atu i se tulaga fa'atagaina.
O tagata po'o ofisa o lo'o ofoina atu le tui puipui o le KOVITI-19 e mafai:
- E mafai ona nofo vaaia le fa'atagaina o le tau mai le inisiua po'o le polokalama (fa'ata'ita'iga: inisiua patino, Medicare, Medicaid) mo le tau o tagata faigaluega i ofisa o lo'o ofoina nei tui. Peita'I e le mafai ona i ai se tau e avatu I le tagata o lo'o tuiina mo le paleni o le pili.
Ofisa a le Soifua Maloloina-I totonu o Seattle ma le Itumalo a King ma isi ua ofoina atu ni nofoaga e faia ai tui puipuia e leai se totogi. O le tutusa o le tufatufaina atu o nei tui o le fa'atumutumuga lenᾱ o nei nofoaga. Mo ni fa'amaumauga ma ni fesili atili o le a maua le a I luga o upega tafa'ilagi nei Getting Vaccinated in King County page.
Mo nisi faamatalaga e uiga i le tui puipuia o le KOVITI-19
- Data dashboard: Summary of COVID-19 vaccination among King County residents
- Washington State Department of Health upega tafailagi o Tui Puipuia o le KOVITI-19
- CDC Upega tafailagi o tui puipuia o le KOVITI-19
- CDC 8 Mea e Tatau ona e Silafia e Uiga I Fuafuaga o Tui Puipuia (8 Things to Know About Vaccine Planning)
E tusa ai ma tulafono Feterale e faatatau i le aia tatau o tagata, e le faailoga tagata le Public Health – Seattle & King County (Matagaluega mo le Soifua Maloloina Lautele – Seattle & King County) i soo se polokalame po o se gaioiga e faia e tusa ai ma le vasega puipuia a le tagata, e aofia ai ae le gata ai i le race (ituaiga tagata), lanu, tupuaga faaleatunuu, lotu, gender identity (itupa filifilia) (e aofia ai ma le gender expression (itupa faaalia)), sexual orientation (masaniga faafeusuaiga), manaoga faapitoa ona o le lē atoatoa o le malosi, matua o le soifua, ma le tulaga faaipoipo. Afai e i ai sau faaseā ma ua fia faaulu mai sau tagi, pe i ai sau fesili e uiga i se tulaga ua ono aafia ai oe i le faailoga tagata, faamolemole faafesootai le King County Civil Rights Program (Polokalame mo le Aia Tatau o Tagata i King County) i le civil-rights.OCR@kingcounty.gov; 206-263-2446 (faamolemole faailoa mai lou gagana mo le faaliliuga); TTY Relay o le 7-1-1; pe lafo i le meli (401 5th Ave, Suite 800, Seattle, WA 98104).
Link/share our site at www.kingcounty.gov/covid/vaccine/samoan