Miisaaniyadda la Soo Jeediyay
ee 2023-2024

Guri la'aan iyo Guri la'aan la awoodi karo

• $5.7 milyan si goob miyir-ceshi ah loogu daro xarunta hoyga SODO. Hawlgallada xarunta miyir-qabka waxa lagu maalgelin doonaa Qorshaha Samatabbixinta Ameerika.
• $45 milyan oo curaar ah oo lagu kabayo dakhliga canshuurta ayaa la soo saari doonaa 2023 si loo maalgeliyo guryaha qiimahooda la awoodi karo ee u dhow xarumaha gaadiidka.
• $20.5 milyan oo lasiinayo hay'adaha bulshada ku salaysan si ay u bixiyaan kaalmada kirada ee dadka deegaanka.
• $89 milyan si loo sii wado maalgelinta wax ka qabashada isku dubaridan ee dhibaatooyinka hoy la'aanta oo ay hogaaminayaan Maamulka Guri la'aanta Gobolka King County.

Maalgelinada Ka-hortagga Midab-takoorka iyo Sinaanta

• $10 milyan ee wareeggii labaad ee miisaaniyada ka qaybqaadashada ah ee loogu talagalay dadka degan magaalooyinka King County aan la wadaagin. Wareegii koobaad ee miisaaniyada ka qaybqaadashada leh ayaa si guul ah loo dhamaystirey Agoosto 2022, iyada oo dadka deegaanka ah ay doorteen 45 mashruuc oo waaweyn si loogu maalgeliyo bulshooyinkooda.
• $460,000 oo loogu talagalay Kooxda Fulinta Hawalaha Sinaanta Cimilada si ay u taageeraan jawaab-celinada ay bulshadu hogaaminayso ee lagu samaynayo cadaalada cimilada.
• $1.7 milyan si loo horumariyo helitaanka/barashada luqadda, oo ay ku jirto ballaarinta tarjumaada websaydka degmada King County.
• $4.7 milyan si loo dhiso awooda gudaha ee degmada King County ee shaqada sinaanta.

Deegaanka

• $180 milyan si loogu soo gato basaska korontada ku shaqeeya iyo $43 milyan in lagu sameeyo kaabayaasha qiiqa aan lahayn si loo xaqiijiyo in tirada basaska Metro ee 1,400 ah ay u noqdaan kuwo aan qiiq lahayn marka la gaaro 2035.
• $28.5 milyan oo maalgashi raasumaal ah si meesha looga saaro xannibaadaha ku wajahan deegaanka marinka kalluunka. Degmada King waxay soo celin doontaa boqolkiiba 50 ee marinada deegaanka kalluunka marka la gaaro 2032.
• $23.2 milyan si gacan looga geysato soo celinta caafimaadka Puget Sound iyadoo biyaha wasakhda laga saarayo nafaqooyinka sida naytorojiinka iyo "kiimikada ebid-jireenka ah"
• $2.9 milyan si loo balaariyo helitaanka bambooyinka/mashiinada kulaylka iyo baanalayaasha cadceedda iyada oo la isticmaalayo barnaamij cusub oo amaahin ah iyo balaarinta barnaamijka tijaabada ah ee Tamarta ee Degmada King County ee aan la wadaagin.

Cadaalad iyo Badbaadada

• $2.1 milyan si loo bilaabo qeybo cusub oo jawaab-celin ah si xirfadlayaasha caafimaadka dabeecadda ay si wadajir ah wax uga qabtaan dhibaatooyinka sharci fulinta.
• $16.5 milyan si loo sii wado barnaamijyada lagu bixiyo isla xisaabtanka ku salaysan bulshada iyo adeegyada dhalinyarada iyo dadka waaweyn ee galay dambiyada aan rabshada lahayn iyada oo loo marayo Barnaamijka Wadooyinka Soo-celinta Bulshada iyo Barnaamijka Weecinta Bulshada.
• $9 milyan oo lagu taageerayo Isu-tagga Nabad-ilaalinta Gobolka, Ergooyinka la aamini karo oo gudbinaya hab ay bulshadu hoggaaminayso oo looga hortagayo rabshadaha qoryaha oo ay ku jiraan ka-jawaab-celinta shilalka halista ah, u-gudbinta isbitaal-dhigista, iyo hawlaha dib-u-habaynta goobaha khatarta badan.
• $5 milyan si dhammaan ku xigeennada ilaalada Sheriff loo siiyo kaamirooyinka jirka lagu xirto. Bixinta/dhaqangelinta kamaradaha iyo tababarada la xiriira waxa la wajihi doonaa saddexda sano ee soo socota.

Sanduuqa Lacagaha Guud  
Sanduuqa Lacagaha Guud ee King County wuxuu taageeraa shaqooyinka caadiga ah ee dawlad goboleedka, kuwaas oo inta badan ee uuga baahan yahay sharciga gobolka .

Baro wax badan oo ku saabsan Sanduuqa Lacagaha Guud.