Skip to main content
King County logo

የአፍ እና የአፍንጫ መሸፈኛ ጭምብሎች የCOVID-19 ስርጭትን ለመገደብ የሚረዳ ጠቃሚ መሳሪያ ሆኖ ይቆያል።

በሽታን የመከላከል ችግር ያለባቸው፣ ያልተከተቡ፣ ወይም የታመሙ ሰዎች፤ በቤት ውስጥ ባሉ የጋራ መገልገያ ቦታዎች አካባቢ የእራሳቸውን እና የሌሎችን ጤንነት ለመጠበቅ የአፍ እና የአፍንጫ መሸፈኛ ጭምብል ማድረግ አለባቸው። ዕድሜያቸው ከ2-4 የሆኑ ህጻናት በአዋቂዎች ክትትል አማካኝነት የአፍ እና የአፍንጫ መሸፈኛ ጭምብል እንዲለብሱ ይበረታታሉ። ከ 2 ዓመት በታች የሆኑ ህጻናት እና ታዳጊዎች የአፍ እና የአፍንጫ መሸፈኛ ጭምብል ማድረግ የለባቸውም።

በሚከተሉት ቦታዎች ውስጥ የአፍ እና የአፍንጫ መሸፈኛ ጭምብል ማድረግ ያስፈልጋል:

  • በጤና እንክብካቤ እና በህክምና ተቋማት፤ ሆስፒታሎችን ፣የተመላላሽ ታካሚ፣ የጥርስ ህክምና ተቋማት እና ፋርማሲዎች ጨምሮ
  • የረጅም ጊዜ እንክብካቤ ተቋማት ውስጥ
  • በማረሚያ ቤቶች

የግል ንግድ ተቋማት፣ ድርጅቶች፣ ትምህርት ቤቶች እና የሕጻናት መዋያዎች የአፍ እና የአፍንጫ መሸፈኛ ጭምብል እንዲለብሱ ሊጠይቁ ይችላሉ። የአፍ እና የአፍንጫ መሸፈኛ ጭምብል ማድረግ የቀጠሉ ሰዎችን ምርጫ ስላከበሩ እናመሰግናለን።

በሽታን የመቋቋም አቅም የሌለዎት ወይም ያልተከተቡ ከሆኑ፡

  • አፍንጫዎን እና አገጭዎን የሚሸፍን ከፍተኛ ጥራት ያለው ልክዎ የሆነ ጭንብል ይልበሱ።
  • ሊያገኙ የሚችሉትን ከፍተኛ ጥራት ያለው ጭምብል ይልበሱ።. ለምሳሌ፣ የጥራት ቅደም ተከተላቸው፥
    1. የተረጋገጠ N95 ፣ KN95 ፣ ወይም KF94 ጭምብሎች፤ ወይም
    2. የቀዶ ጥገና ጭምብሎች፤ ወይም
    3. የጨርቅ ጭምብሎች በርካታ ንጣፎች ያለው ጠብቆ የተሸመነ እና መተንፈስ በሚያስችል ጨርቅ የተሰራ።

የምርመራ ውጤትዎ አዎንታዊ ከሆነ ወይም ለCOVID-19 ከተጋለጡ።

  • ለ 10 ቀናት ተስማሚ የሆነ ከፍተኛ ጥራት ያለው ጭምብል ይልበሱ።

መረጃዎች

ፖስተሮች

በፌደራል እና በግዛቶች ህግ ጭንብል የሚጠየቁባቸው ቦታዎች

እነዚህ ፖስተሮች የፌደራል እና የግዛቶች ህግ ጭንብል በሚጠይቁበት ቦታዎች ጥቅም ላይ ይውላሉ። (በጤና ጥበቃ ማዕከል፣ በረጅም ጊዜ እንክብካቤ፣ በህዝብ ማመላለሻ፣ በታክሲዎች/ራይድሼር፣ በማረሚያ ተቋማት ውስጥ)።

ንግድ ቤቶች፣ ሰራተኞች፣ ትምህርት ቤቶች፣ የሕጻናት እንክብካቤ መስጭያ ማዕከሎች፣ እና ድርጅቶች

ምንም እንኳን መንግስት ጭንብል የማድረግ ግዴታዎችን ያነሳ ቢሆንም የግል ንግዶች፣ ድርጅቶች፣ ትምህርት ቤቶች እና የሕጻናት እንክብካቤ መስጭያ ማዕከሎች የራሳቸው የጭንብል ማድረግ መስፈርቶች እንዲኖራቸው ሊመርጡ ይችላሉ። እነዚህ ፖስተሮች የራሳቸውን ጭምብል ፖሊሲ ለማዘጋጀት የሚመርጡ ተቋማት ሊጠቀሙባቸው ይችላሉ።