Skip to main content
King County logo

ለCOVID-19 አዎንታዊ ምርመራ አድርገዋል፣ COVID-19 ካለው ግለሰብ ጋር የቅርብ ግንኙነት ነበረዎት፣ ወይም የCOVID-19 ምልክት አለዎት? እዚህ ገጽ ላይ ያለው ማስረጃ መገለል የሚያስፈልግዎት እንደሆነና፣ ምን አይነት እርምጃ መውሰድ እንደሚያስፈልግዎት ይረዳዎታል።

የበለጠ ስለ ኪንግ ካውንቲ የማግለያ እና የኳራንቲን ድጋፍ አገልግሎቶች ለመረዳት እዚህ ድረ-ገጽ ውስጥ ይመልከቱ (ድረ-ገጹ በእንግሊዝኛ ቋንቋ ብቻ ነው)።

እባክዎ በዚህ ገጽ ላይ የተጠቀምናቸውን ቃላት ለመረዳት መዝገበ ቃላቱን ያንብቡ።

መዝገበ ቃላት

 የቃላቶቹን ትርጉም ለማግኘት ከዚህ በታች ያሉትን መግቢያዎች ይምረጡ

ቅርብ ግንኙነት ማለት COVID-19 ከያዘው ሰው ጋር በ24-ሰአት ውስጥ ለ 15 ደቂቃ ወይም ከዚያ በላይ ከ6 ጫማ ባነሰ ርቀት ውስጥ አብረው ቆይተዋል ማለት ነው።

በ24-ሰአት ጊዜ ውስጥ በሽታው ከተያዘው ሰው ጋር ከ6 ጫማ ባነሰ ርቀት ላይ ለ15 ደቂቃ ወይም ከዚያ በላይ ከቆዩ ለ COVID-19 በሽታ እንደተጋለጡ ይቆጠራል።

በደንብ የሚገጥም ጭንብል አፍንጫዎን እና አገጭዎን ይሸፍናል፣ ምንም አይነት ክፍተቶች ሳይኖርበት። ፊትዎ ወይም አፍንጫዎ ላይ ክፍተቶች ያሉባቸው ጭምብሎች እርስዎን ወይም ሌሎችን ለመጠበቅ ጠቃሚ አይደሉም።

ሊያገኙት የሚችሉትን ከፍተኛ ጥራት ያለው ጭምብል ይልበሱ። ከፍተኛ ጥራት ያላቸው ጭምብሎች ቫይረሱን በማጣራት የተሻሉ ናቸው። ለምሳሌ፣ በጥራት ቅደም ተከተል የሚከተሉት ናቸው፡፡

  • የተረጋገጠ N95፣ KN95፣ ወይም KF94 ጭምብሎች; ወይም
  • የቀዶ ጥገና ጭምብሎች; ወይም
  • በድርብ ጨርቆች የተሰፋ እና መተንፈስ የሚያስችል ጭምብሎች

ከሌሎች ተነጥሎ መኖር ማለት በቤታችሁ ውስጥም ቢሆን COVID-19 ከሌላቸው ሰዎች ሁሉ ተነጥለው መቆየት ማለት ነው።

ከሌሎች ተገልለው መቆየት ማለት ከቤትዎ ውጭ ካሉ ሰዎች ርቀው ያለ ምንም እንግዳ ወይም ጠያቂ በቤት ውስጥ መቆየት ማለት ነው። ወደ ሥራ፣ ትምህርት ቤት ወይም የሕዝብ ቦታዎች አይሂዱ። በተቻለ መጠን እቤትዎ ውስጥ ከሚኖሩት ለCOVID-19 ከፍተኛ ተጋላጭ ከሆኑ ሰዎች (ለምሳሌ ካልተከተቡ፣ አረጋውያን ወይም የጤና ችግር ካለባቸው ሰዎች) ይራቁ።

የመጀመሪያዎቹን ተከታታይ ዙር ክትባቶች እና ለእርስዎ ያስፈልጋል ተብለው የሚመከሩትን ሁሉንም የማጠናከሪያ ዙር ክትባቶች ሲወስዱ ወቅታዊውን የCOVID-19 ክትባት እንደወሰዱ ይቆጠራል። ወቅታዊ የሆኑትን ክትባቶች ሲወስዱ፣ ከፍተኛውን ጥበቃ ያገኛሉ። አንዳንድ የተዳከመ የበሽታ መቋቋም ስርዓት ያለባቸው ሰዎች ወቅታዊውን ክትባት ለማሟላት ተጨማሪ የክትባት መጠን መውሰድ ያስፈልጋቸዋል (በእንግሊዘኛ ድህረ ገጽ)

የቅርብ ጊዜውን መረጃ እና አዲስ ዝማኔን ለማግኘት የCDC ድህረጋጽን ይጎብኙ (በእንግሊዝኛ ድህረ ገጽ)።

ከዚህ በታች ያሉት ሁኔታዎች ወቅታዊውን ክትባት እንዳልወሰዱ ይገልጻሉ፡

  • ክትባቱን አልወሰዱም
  • ሁለተኛውን ዙር Pfizer/Moderna አልወሰዱም፣ ወይም
  • ቢያንስ ከ5 ወራት በፊት የሁለተኛውን ዙር የPfizer/Moderna ወይም የጆንሰን እና ጆንሰን ክትባት ከ2 ወራት በፊት ከወሰዱ በኋላ የማጠናከሪያ ዙሩን ክትባት አልወሰዱም።

እንደ ኤድስ፣ ካንሰር፣ እና የስኳር በሽታ ያለባችው ወይም እንደ ኪሞቴራፒ ባሉ አንዳንድ ህክምናዎች ምክንያት ሰዎች የመከላከል አቅማችው ሊዳከም ይችላል። የተዳከመ የበሽታ መቋቋም ስርዓት ያለባቸው ሰዎች በCOVID-19 በጣም ሊታመሙ ይችላሉ።


ይህ የሚሆን ከሆነ ምን ማድረግ አለቦት…

  • ለ10 ቀናት ከፍተኛ ጥራት ያለው ጭምብል ያድርጉና፣ በ5ኛው ቀን ይመርመሩ። ከተቻለ በ5ኛው ቀን መመርመር አስፈላጊ ነው።
  • ታመው ከሆኑና፣ COVID-19 እንደያዝዎት ከተጠራጠሩ፣ ነገርግን የምርመራ ውጤት ከሌልዎት፣ ራስዎን ከሌሎች ያግልሉ።
  • COVID-19 የለብዎትም(ኔጋቲቭ) ከተባሉ፣ መገለል አያስፈልግዎትም፣ እንዲሁም ከቤትዎ መውጣት ይችላሉ።
  • የወሰዱት ክትባት ግዜውን የጠበቀ ይሁን አይሁን ተመርምረው፣ለCOVID-19 ተመርምረው አለብዎት(ፖዚቲቭ) ከተባሉ፣ ከሌሎች መገለል ይኖርብዎታል፣ እንዲሁም የ CDC isolation guidance (የሲዲሲ የመገለል መመርያ) ይተከተሉ።
  • ለ10ቀናት ከተጋለጡ በኋላ፣በሌሎች ሰዎች አካባቢ ሲሆኑ፣ ከፍተኛ ጥራት ያለውና፣ በደምብ ግጥም ኣድርጎ የሚይዝ ጭምብል ያድርጉ፣ ከሌሎች ራቁ፣ ሰዎች በብዛት ያሉበት ቦታዎችን ያስወግዱ፣ እንዲሁም ለCOVID-19 ከፍተኛ ተጋላጭነት ካላቸው ሰዎች ይራቁ።
  • ክትባትዎ ወቅታዊ ይሁን አይሁን፣ ማንኛውም ፖዘቲቭ የሆነ ሰው በትንሹ ከሌሎች ለ5 ቀኖች መገለል አለበት። ቀን 1ሕመሙ ከተሰማዎት የመጀመርያው ሙሉ ቀን ነው ወይም የተመረመሩበት ቀን ነው። ከ5 ቀኖች በኋላ COVID-19 ማሰራጨት ስለሚቻል፣( መጀመሪያ ሕመሙ ሲጀምርዎት እንደሚያህለው ተላላፊ ባይሆንም) ለ10 ቀኖች መገለል በጣም የሻለ አማራጭ ነው።
  • ከ5 ቀኖች በኋላ፣ ያለ መድሃኒትለ24 ሰዓቶች ከትኩሳት ነፃ ከሆኑና፣የሕመም ስሜት ከሌሎት ወይም የሕመም ስሜቱ ከለቀቅዎት፣ ወይም የሕመም ስሜት ካልነበርዎት፣ ከቤትዎ መውጣት ይችላሉ። ትኩሳቱ አሁንም ካለብዎት ከቤት አይውጡ። በሌላ ሰዎች አካባቢ ከፍተኛ ጥራት ያለውና፣ በደምብ ግጥም ኣድርጎ የሚይዝ ጭምብል ለ5 ተጨማሪ ቀኖች (በጠቅላላ ለ10 ቀኖች) ማድረግ ይገባዎታል። መገለሉን ከጨረሱ በኋላ፣ በCOVID-19 በቀላሉ መጠቃት ከሚችሉ ሰዎች በትንሹ ለ11 ቀኖች ከመገናኘት ይቆጠቡ።
  • አማራጭ፡ ምርመራውን ማግኘት ከቻሉና ለተጨማሪ ጥንቃቄ ብለው ምርመራውን ማድረግ ከፈለጉ፣ ከቻሉ የፈጣን አንቲጂን መመርመሪያውን መሳሪያ በመጠቀም ከሌሎች ሰዎች ተገልለው የሚቆዮበት ጊዜ ሊያልቅ 5 ቀን ሲቀረው ምርመራውን ማድረግ አለብዎት። የምርመራዎት ውጤት አዎንታዊ ከሆነ፣ ለተጨማሪ 5 ቀናት (በአጠቃላይ 10 ቀናት) ከሌሎች ሰዎች ተገልለው መቆየት አለብዎት። የምረመራዎት ውጤት አሉታዊ ከሆነ፣ ወደ ስራዎ ሊመለሱ ይችላሉ። ነገር ግን በሚመለሱበት ጊዜ ከሌሎች ሰዎች ጋር አብረው ሲሆኑ በደንብ የሚገጥም የአፍ መሸፈኛ ጭንብል መልበስዎን መቀጠል አለብዎት።
  • ምልክቶቹ ከ5 ቀናት በላይ የሚቆዩ ከሆነ ምልክቶቹ እስከሚቃለሉ እና ትኩሳቶት እስከሚጠፋ ድረስ እራስዎት ከሌሎች ማግለልዎን ይቀጥሉ።
  • መካከለኛ (የትንፋሽ እጥረት ካልዎት ወይም መተንፈስ ካስቸገርዎት)፣ ወይም (ሆስፒታል የሚያስገባ) ከባድ ሕመም ካለዎት ለ10 ቀኖች ይገለሉ። ከባድ ሕመም ካለዎት ወይም በሽታ ለመከላከል የተዳከመ ችሎታ ካለዎት፣ መገለሉን ከማቆምዎ በፊት ከሐኪምዎ ጋር ይመካከሩ።

ከ 10 ቀናት በኋላ መመርመርን አንመክርም፣ ነገር ግን ምርመራ ካደረጉ እና አዎንታዊ ከሆነ፣ በጣም አስተማማኝ የሆነው አካሄድ ውጤትዎ አሉታዊ እስኪሆን ድረስ ራስዎን ማግለል መቀጠል አለብዎት። የውሸት አወንታዊ ውጤትን ለማስወገድ በ 48 ሰዓታት ውስጥ ምርመራውን መድገም ጠቃሚ ነው።

ራስዎን ማግለል መቀጠል ካልቻሉ፣ ከፍተኛ ጥራት ያለው የአፈና የአፍንጫ መሸፈኛ ጭንብል መልበስዎን ያረጋግጡ፣ በሚችሉበት ጊዜ ከሌሎች ሰዎች ርቀትዎን ይጠብቁ፣ እና በሌሎች ሰዎች ዙሪያ ባሉ ቦታዎች ላይ ጊዜ ከማሳለፍ ይቆጠቡ። ምን ያህል ጊዜ አዎንታዊ ምርመራ እንዳደረጉ የሚያሳስብዎት ነገር ካለ፣ የጤና አቅራቢዎን ያነጋግሩ።

  • የበሽታው ምልክት እስከሌለቦት ድረስ እራሶትን ከሌሎች ማግለል ወይም ቤት መቆየት አያስፈልጎትም።
  • COVID-19 ካለበት ሰው ጋር የቅርብ ግንኙነት ካደረጉ በኋላ እስከ 10 ቀናት ድረስ የበሽታውን ምልክቶች በራሶት ላይ በቅርብ ይከታተሉ።
  • ምልክቶቹን ካዩ ወዲያውኑ እራሶትን ከሌሎች ሰዎች ይለዩና ምርመራ ያድርጉ። ውጤቱን እስኪያውቅ ድረስ ቤት መቆየቶትን ይቀጥሉ። ከሌሎች ሰዎች ጋር በሚሆኑበት ጊዜ በደንብ የተገጠመ ጭምብል ያድርጉ።
  • በቤትዎ ውስጥ ወይም ህዝብ ባለበት ቦታዎች ውስጥ ከሌሎች ጋር በሚሆኑበት በማንኛውም ጊዜ ውስጥ ለ10 ሙሉ ቀናት በደንብ የገጠመ ጭምብል ያድርጉ። ጭምብል ማድረግ ወደማይችሉበት ቦታ አይሂዱ።
  • የበሽታው ምልክት ከታየባቸው ቀናት ጀምሮ እስከ 10 ቀናት ውስጥ ከዚያ ሰው ጋር በአንድ ክፍል ውስጥ ጊዜ ከማሳለፍ ይቆጠቡ።
  • በተመሳሳይ ክፍል ውስጥ በሚሆኑበት ጊዜ፣ ጊዜውን አጭር ያድርጉት፣ የ 6 ጫማ ርቀትን ይጠብቁ እና ሁለታችሁም ጭንብል ልበሱ።
  • እጆትን በተደጋጋሚ ይታጠቡ።
  • ለCOVID-19 ይመርመሩ። ተመርምረው ፖዘቲቭ ከተባሉ፣ የዋሺንግተን ስቴት የሕክምና ክፍል መመሪያን (guidance from Washington State Department of Health) ይከተሉ።
  • የህመም ምልክቶቹን ትኩረት ይስጡ። የሕመም ምልክቶቹን በራሶት ላይ ካዩ ወዲያውኑ ከሌሎች ይለዩና ምርመራ ያድርጉ።
  • “COVID-19 ካለበት ሰው ጋር የቅርብ ግንኙነት ነበረኝ” ለሚለው ጥያቄ የወጣውን የመገለል መመሪያ ይከተሉ።

በመገለል ላይ ሳሉ ፖዘቲቭ ከሆኑ፣ አዲስ የመገለል ግዜ መጀመር አለብዎት፣

  • ከሌሎች ሰዎች ለ 5 ቀናት ተለይተው ይቆዩ። (የመጀመሪያው ቀን የሕመም ምልክቶቹን ያዩበት ቀን ወይም የምርመራውን ውጤት ያወቁበት ሙሉ ቀን ነው።)
  • ከ 5 ቀናት በኋላ ምንም ምልክቶች ከሌልዎት ወይም ምልክቶቹ ከጠፉ ከቤትዎ መውጣት ይችላሉ። ነገር ግን አሁንም ትኩሳት ካለብዎ ከቤትዎ አይውጡ። ለተጨማሪ 5 ቀናት (በአጠቃላይ ለ10 ቀናት) ከፍተኛ ጥራት ያለው እና በደንብ የሚገጥም ጭንብል መልበስዎን ይቀጥሉ።
  • መገለሉን ከጨረሱ ብኋላ የCOVID-19 የበሽታ ስሜቱ ከባሰብዎት፣ በ0 ቀን የመገለል ሂደቱን ደግመው ይጀምሩ። ስለበሽታዎ ወይም መቼ መገለል ማቆም እንደሚችሉ ጥያቄ ካለዎት ወይም ከሕክምና ኣዋቂዎች ጋር ይነጋገሩ።

ራሳቸውን ከሌሎች ማግለል ለማይችሉ ወይም በራሳቸው ቤት ከሌሎች ተነጥለው መቆየት ለማይችሉ ወይም ቤት ለሌላቸው ሰዎች ደህንነቱ የተጠበቀ፣ ንፁህ እና ምቹ የማግለያ እና የኳራንቲን ማእከላት ይገኛሉ። እነዚህ ቦታዎች ለሁሉም ሰው ነፃ እና ሚስጥራዊ ናቸው፣ እና ቆይታዎ ከህዝብ ጤና ውጭ ላለ ባለስልጣናት ሪፖርት አይደረግም።

ከእነዚህ አገልግሎቶች ጋር ለመገናኘት እና የማግለያ እና የኳራንቲን አገልግሎቶች ለእርስዎ ትክክል መሆናቸውን ለማወቅ ወደ ኪንግ ካውንቲ የCOVID-19 የጥሪ ማእከል ላይ በ 206-477-3977 ከቀኑ 8 ሰዓት እስከ ምሽቱ 5 ሰዓት ይደውሉ። ከአስተርጓሚ ጋር ለመገናኘት የሚናገሩትን ቋንቋ ይናገሩ።

የበለጠ ስለ ኪንግ ካውንቲ የማግለያ እና የኳራንቲን ድጋፍ አገልግሎቶች ለመረዳት እዚህ ድረ-ገጽ ውስጥ ይመልከቱ (ድረ-ገጹ በእንግሊዝኛ ቋንቋ ብቻ ነው)።


ለጤና ባለሙያዎች

COVID-19 አለብኝ ብለው የሚያስቡ ወይም ያወቁ የጤና ባለሙያ ከሆኑ፣ ቀጣሪዎትን ማሳወቅ እና ከስራ ቦታ ውጭ ከሌሎች ጋር መሆን ለመጀመር ከላይ የተዘረዘሩትን ምክሮች መከተል አለቦት። ወደ ሥራ መመለስ የሚችሉበት ጊዜ በተለያዩ ምክንያቶች እና ሁኔታዎች ላይ የተመሰረተ ነው - ቀጣሪዎትን ስለመመሪያው ይጠይቁ።

መቼ ወደ ሥራ መመለስ እንደሚችሉ መረጃ ለማግኘት፣ ለጤና እንክብካቤ ሠራተኞች ከ SARS-CoV-2 ኢንፌክሽን (የሲዲሲ ጊዜያዊ መመሪያ) ወደ ሥራ የመመለሻ መስፈርት (ድረ-ገጹ በእንግሊዝኛ ቋንቋ ብቻ ነው) ይመልከቱ።


የአካባቢ ጤና መኮንን መመሪያ እና ትዕዛዝ

ከማርች 28፣ 2020 ጀምሮ፣ የ COVID-19 አዎንታዊ ምርመራ ውጤት ያገኙ ወይም የ COVID-19 ምልክቶች ኖሮዋቸው እና የምርመራ ውጤት በመጠባበቅ ላይ ያሉ ግለሰቦች የበሽታውን ተጨማሪ ስርጭት ለመቀነስ ከላይ የተገለፀውን ከሌሎች ተለይቶ ወይም ተነጥለው የመቆየትን መመሪያ እና ትዕዛዝ መከተል አለባቸው። ይህን ትእዛዝ ያላከበሩ ግለሰቦች በሕዝብ ጤና ባለሥልጣን የወጣውን በ RCW 70.05.070 (2)-(3) እና WAC 246-100-036 (3)መሠረት ያለፈቃዳቸው ሊታሰሩ ይችላሉ (ድረ-ገጾቹ በእንግሊዘኛ ቋንቋ ብቻ ናችው)።

ለበለጠ መረጃ፣ ከሌሎች ሰዎች ተለይቶ እና ተነጥሎ የመቆየትን ሁኔታዎችን ጨምሮ ለተጨማሪ ዝርዝሮች የተሟላውን ቅደም ተከተል ይመልከቱ (ድረ-ገጹ በእንግሊዝኛ ቋንቋ ብቻ ነው)።


መርጃዎች

ተጨማሪ ጥያቄዎች ካሉዎት፣ የኪንግ ካውንቲ የኮቪድ-19 የጥሪ ማእከልን በ206-477-3977 ያግኙ። ሰራተኞች በሳምንቱ ቀናት ከጥዋቱ 8፡00 እስከ ምሽቱ 5፡00 ይገኛሉ (በበዓላት ላይ ዝግ ነው)። እባክዎ ሲገናኙ የመረጡትን ቋንቋ ይናገሩ።


Link/share our site at kingcounty.gov/covid/quarantine/amharic