Ku saabsan mashruucani

Iyada oo ah musiibadeena dabiiciga ee inta badan dhacda, fatahaadu waa qayb ka mid ah nolosha Degaanka King. Qorshaha daadku wuxuu dejin doonaa siyaasadda maamulka dhulka hoose ee daadku soo geli karo ‘floodplain’ ee loogu talagalay dhulka ku yaala meel aysan dowlad hoose maamulin ‘unincorporated’ ee Degaanka King wuxuuna dadka ku wargelin karaa tallaabooyinka maamulka daadka ee magaalooyinka, Xakamaynta Fatahaada Degmada ee Degaanka King, iyo hawl-wadaagayaasha kale ee dhulka hoose ee daadku soo geli karo ‘floodplain’.

Muxuu Degaanka King u cusbooneysiinayaa qorshaha daadka?

Webiyada iyo durdurada waa kuwo nool—way isbeddelaan muddo marka la joogo. Degaanka King ayaa markii u dambeysay cusbooneysiiyay qorshaha daadka sanadkii 2013. Tani iyo markaasi, ku dhawaad 10 xilli oo fatahaad ah ayaa beddelay sida ay webiyadeenu u muuqdaan una shaqeeyaan. Dadkeena ayaa kordhay, waxaanan guryo iyo ganacsiyo badan ku kordhinay muuqaalka dhulka. Sida aan u horumarino dhulka, u maareyno qashinka, u qorsheyno gaadiidka, u beerno cuntada, oo dib ugu soo noolayno saameynta webiyadeena iyo goobaha xeebaha ah.

Sidee ayuu qorshahani daadku uga duwanaan doonaa?

Si loo abuuro mustaqbal u adkeysta daadka, qorshuhu waa in uu ka turjumayaa aragtiyaha kala duwan ee bulshadeena. Iyada oo ay sababtu tahay dhaqamada taariikhiga ah ee caddaalad darrada ku dhisan, bulshooyinka qaarkood ayaa halis ugu jira daadka. Dadka qaarkood ayaa awood yar u leh in ay u diyaar garoobaan ama ka soo kabtaan musiibooyinka daadka. Fahamka waxa bulshooyinka oo dhani u baahan yihiin iyo xalalkooda la soo jeediyay waa muhiimada Degaanka King.

Degaanka King wuxuu si toos ah ula shaqeyn doonaa bulshooyinka ka tirsan qorshaha daadka ee 2022 iyo 2023. Fursadaha ka qayb qaadashada waxaa ka mid noqon doona iskaashiga bulshada, kooxaha tala-bixinta, iyo ra’yi ururinta dhanka internet-ka. Degaanka King wuxuu qaban doonaa goobta dadka u furan, iyo kulamada dhanka internet-ka. Shaqaalaha ayaa sidoo kale awooda in ay ku soo biiraan kulamada ay bulshadu marti geliso oo la wadaago xogta.

Qorshayaashii daadka ee hore waxaa diiradda lagu saaray fatahaada ku teedsan webiyada waaweyn ee Degaanka King. Qorshahani daadku wuxuu qaban doonaa noocyo kala duwan oo ah khatarta daadka ee saameeya dadka. Waxaa ku jiri doona khatarta daadka ee xeebta iyo kor u kaca heerka badda iyo fatahaada durdurka yar yar, iyo fatahaada magaalooyinka.

Qorshaha daadka ee la cusbooneysiiyay waxaa lagu eegi doonaa siyaabo aanu ku yareyn karno khatarta daadka iyada oo la bixinayo faa’iidooyinka kale ee bulshada. Sidee mashaariicdeena iyo barnaamijyadeenu u taageeraan wax beerista ama abuurista shaqooyin cusub? U wanaajiyaan degaanka kalluunka salmon oo loo bixiyaa goobo madadaalo? Waa maxay waxa muhiimada ugu badan adiga kuu leh maxayna bulshadaadu u baahan tahay?

Wax ku lug yeelo

Isku diiwaan geli macluumaadka cusub ee qorshaha daadka oo wax ka ogow siyaabo loogu lug yeesho abuurista mustaqbal u adkeysta daadka. Wakhti kasta ayaad ka bixi kartaa isqorida ‘unsubscribe’.

Aan horay ugu sii qorshayno daadadka, si wadajir ah. Waxaan raadineynaa taladaada si aan u caawino qof walba oo bulshadeena ka mid ah inuu aad ugu adkeysto fatahaada. Booqo 2024 Xarunta Qorshaha Maareynta Daadka ee Degmada King. Waxaad kula wadaagi kartaa dhibaatooyinka daadadku kugu khuseeyaan xog ururin onlaayn ah, oo furan ilaa Juun 30. Waxa kale oo aad eegi kartaa jadwalka dhacdooyinka soo socda ama waxaad soo jeedin kartaa dhacdooyinka degmada King si ay usoo gaadho bulshadeena.

Gudida Qorshaynta Shuraakada

Guddiga Qorshaynta Shuraakadu waa hal dariiqo oo lagu ururiyo fikradaha dadweynaha ee qorshaha daadadka. Wax badan ka baro ujeedada guddiga iyo shirarka guddiyada ee soo socda ee ku saabsan Guddiga Qorshaynta Shuraakadu webpage.

Nidaamka State Environmental Policy Act (Xeerka Siyaasadda Deegaanka ee Gobolka)- bayaanka saamaynta deegaanka

Qayb muhiim ah oo ka mid ah geeddi-socodkeena si aan u cusboonaysiino Qorshaha Maareynta Daadadka waa in aan diyaarino environmental impact statement (bayaanka saamaynta deegaanka) (EIS). EIS waa dhukumeenti qeexaya falalka la soo jeediyay iyo sida ay u saameeyaan deegaanka iyo dadka. Iyadoo loo marayo habka EIS, Degmada King waxay aqoonsan doontaa oo ay falanqeyn doontaa raadka suurtagalka ah ee qorshaha uu ku yeelan karo noocyada halista ah ama dabar-go'aya, tayada biyaha, kheyraadka taariikhiga ah iyo dhaqanka, gaadiidka, iyo in ka badan.

Degmada King waxay baadhi doontaa saamaynta laba xaaladood, oo loo yaqaan " beddelka," EIS. Sida caadiga ah qayb ka mid ah nidaamka EIS, "wax beddel ah oo ficil ah ma jiro" ayaa la tixgeliyaa. Falanqaynta waxay tixgalin doontaa saamaynta ay ku yeelan la'dahay qaadashada qorshaha cusub ee daadadka (ma jirto tallaabo kale oo lagu badalo) iyo sii wadida isticmaalka qorshayaasha daadadka ee 2006 iyo 2013 si loo hago siyaasada iyo hawlaha maaraynta dooxada iyo sidoo kale waxay qiimayn doontaa saamaynta la xidhiidha qaadashada qorshaha cusub ee fatahaada.

Qorshaha daadadka ee degmadu wuxuu diiradda saarayaa fatahaadaha iyo khataraha qalaylka ee webiyada waaweyn iyo durdurrada sida Snoqualmie iyo Cedar webiyada iyo Issaquah Creek. Qorshaha daadadka ee la cusboonaysiiyay waxa uu soo jeedinayaa in si ballaadhan wax looga qabto daadadka togaga yar-yar iyo biyo-mareennada, harooyinka, iyo meelaha magaalooyinka iyo xeebaha ah. Faallooyinka dadwaynaha ee muddada EIS waxay xaqiijiyeen in baaxaddan ballaadhani ay awood u leedahay inay natiijooyin wanaagsan u keento bulshooyinka Degmada King.

Ogow wax badan oo ku saabsan nidaamka EIS adigoo akhriyaya warqada xaqiiqda baaxada (1.11 MB, PDF).

Baaxada wakhtiga (la dhamaystiray sanadkii 2022)

Baaxada wakhtiga waa fursad rasmi ah oo loogu talagalay fikradda dadweynaha. Waxaan ku casuunnay dadweynaha, dawladaha qabaa'ilka, iyo hay'adaha maxalliga ah, gobolka, iyo federaalka si ay uga faalloodaan noocyada kala duwan ee beddelka ah, meelaha saamaynta leh, iyo tallaabooyinka yaraynta suurtagalka ah ee ay tahay in lagu qiimeeyo EIS.

Muddada faallooyinka ee 30-ka maalmood ah ayaa la qabtay Isniinta, Noofambar 7 ilaa Jimcaha, Disembar 9, 2022. Faallooyinka la soo gudbiyay ayaa bixiyay macluumaad qiimo leh oo ku saabsan mowduucyada si loo tixgeliyo qiimeynta saameynta deegaanka ee suurtagalka ah. Qaar badan oo ka mid ah mawduucyadan ayaa la tixgelin doonaa marka EIS la diyaariyo. Waxa kale oo aanu helnay faallooyin aan khusayn falanqaynta EIS laakiin la xidhiidha qorshaha daadadka laftiisa, faallooyinkaasna waxa loo tixgelin doonaa qayb ka mid ah horumarinta qorshaha.

Dib u eegista Warbixinta Sookoobista Saamaynta Deegaanka ee Qorshaha Daadadka ee Degmada King (EIS) (May 2023), (PDF, 190 KB).

Fursado badan oo lagu faalloodo EIS

Degmada King waxay bixin doontaa fursad kale oo rasmi ah oo ku saabsan fikradda dadweynaha inta lagu jiro xilliga qabyada ah ee EIS. Tani waa marka faallooyinka la codsado mudnaanta beddelka iyo ku filnaanta falanqaynta deegaanka. Wakhtiga ku meel gaadhka ahi waa dayrta 2023.

Qorshayaashii daadka ee hore

Qorshaha daadka ee u dambeeyay waxaa la dhammeystiray in 2006 waxaana qaatay Golaha Degaanka King bishii Janaayo 2007. Qorshaha daadka waxaa markii u dambeysay la cusbooneysiiyay sanadkii 2013 waxaana qaatay Golaha Degaanka King iyada oo ay weheliso ansixintii Sharciga Tirsigiisu yahay 2013-0419.

Soo dejiso qorshaha daadka ee 2006 iyo cusbooneysiinta qorshaha daadka ee 2013. Warbixinadani waxaa la bixiyay iyaga oo ku qoran Ingiriisi oo u dhigan qaabka Adobe Acrobat .pdf.

Nuqulo daabacan oo ah qorshayaashii daadka ee 2006 iyo 2013 ayaa laga helayaa maktabadaha Degaanka King ee soo socda:

• Maktabadda Auburn
• Maktabadda Bellevue Regional
• Maktabadda Bothell Regional
• Maktabadda Carnation
• Maktabadda Duvall
• Maktabadda Fairwood

• Maktabadda Fall City
• Maktabadda Issaquah
• Maktabadda Kent Regional
• Maktabadda Maple Valley
• Maktabadda Muckleshoot

• Maktabadda North Bend
• Maktabadda Redmond Regional
• Maktabadda Skykomish
• Maktabadda Snoqualmie
• Maktabadda Tukwila

Macluumaadka la xiriira

• Adeegyada daadka iyo macluumaadka
• Sida la iskugu diyaariyo fatahaada  
• http://Digniinaha iyo ka feejignaanta daadka 
• Mashaariicda waaweyn ee yareynta khatarta daadka 

Hay’adaha la xiriira

• http://Waaxda Kheyraadka Dabiiciga ah iyo Beeraha Nasashada 
• Xafiiska Maamulka Xaaladaha Degdega ah
• Waaxda Adeegyada Degaanka