የCOVID-19 ክትባቶች በሆስፒታሎች፣ ፋርማሲዎች፣ የማህበረሰብ ጤና ጣቢያዎች እና በሌሎች አቅራቢዎች ይገኛሉ። በኪንግ ካውንቲ የት እንደሚከተቡ የበለጠ ይረዱ።

• አይደለም፤ የኮቪድ-19 ክትባት የተወጉበት ቦታላይ (ክንዶት ላይ) ጨምሮ ምንም አይነት ብረትን የመሳብ ባህሪ እንዲኖሮት አያደርግም።
• በክትባቱ ውስጥ ምንም ዓይነት የኤሌትሪክ ስበት ኃይል/የኤሌትሪክ ማግኔቲክስ ፊልድ/ እንዲፈጥር የሚያስችል ነገር የለም። ሁሉም የኮቪድ-19 ክትባቶች ምንም ዓይነት እንደ ብረት፣ ኒኬል፣ ኮባልት፣ ሊትየም እና ብርቅ የምድር ውህዶች ያሉ ብረታ ብረቶች የሏቸውም። በተጨማሪ እንደ ማይክሮኤሌትሪክስ፣ ኤሌክትሮድ፣ ካርቦንናኖቲዩብ፣ ወይም ናኖዋየር ሰሚኮንዳክተሮች ያሉ ምንም አይነት የፋብሪካ ምርቶች የሉባቸውም።
• እንዴት የኮቪድ-19 ክትባት እንደሚሰራ የኮቪድ-19 ክትባት የመቀመሚያ ሙሉ ውህዶች ዝርዝሮችን ከታች ይመልከቱ።

የአሜሪካ የጽንስና የማህፀን ሐኪሞች ኮሌጅ እና ሲዲሲ እርጉዝ ከሆኑ፣ ለማርገዝ ከሞክሩ ወይም ጡት የሚያጠቡ የ COVID-19 ክትባት እንዲወስዱ ይመክራሉ። ክትባት መውሰድ እርስዎንም ሆነ ልጅዎን ሊረዳ ይችላል።

• እርጉዝ ሰዎች በ COVID-19 ለከባድ ሕመም የመጋለጥ እድላቸው ከፍ ያለ ነው።
• ክትባቶቹ የ COVID-19 ኢንፌክሽንን፣ ከባድ ሕመምን እና ሞትን ለመከላከል በጣም ውጤታማ ናቸው፣ እና ጥበቃው እያደገ ሲሄድ ወደ ልጅዎ ሊተላለፍ ይችላል።
• እየጨመረ ያለው መረጃ እንደሚያረጋግጠው የ COVID-19 ክትባቶች በእርግዝና ወቅት ደህንነታቸው የተጠበቀ መሆናቸውን ነው። ክትባት መውሰድ የፅንስ መጨንገፍ አደጋን እንደሚጨምር የሚያሳይ ምንም ማስረጃ የለም። ጥያቄዎች ካሉዎት ሐኪምዎን ያነጋግሩ።

አዎ፣ COVID-19 ቢኖርብዎትም ወይንም ባይኖርብዎትም መከተብ አለብዎት። ክትባቶች የበለጠ ጥበቃ ሊሰጡ ይችላሉ ተብሎ ሊገመት ይችላል፣ እና ምንአልባት ለረዘም ላለ ጊዜ ሊቆዩ ይችላሉ።

COVID-19 ካለብዎ በተወሰነ ደረጃ የተፈጥሮ በሽታ የመከላከል አቅም ሊኖርዎት ይችላል ነገርግን ይህ ከሰው ወደ ሰው በእጅጉ ሊለያይ ይችላል። እንዲሁም ይህ የተፈጥሮ ጥበቃ ለምን ያህል ጊዜ እንደሚቆይ እና ከሌሎች የበሽታው ዝርያዎች እንደሚከላከል አናውቅም። ያ ማለት በመጨረሻ በቫይረሱ ሊያዙ ወይም በሌላ የበሽታው ዝርያዎች ሊበከሉ ይችላሉ።

ከኢንፌክሽኑ በኋላ መከተብ ደህንነቱ የተጠበቀ ነው እና ለወደፊቱ ከ COVID-19 ኢንፌክሽኖች የተሻለ አጠቃላይ ጥበቃ ይሰጥዎታል።

1. መከተብዎን በዋሽንግተን ስቴት የክትባት መመዝገብያ"(My Immunization Registry")ኤም ዋይ አይ አር (MyIR) ይመልከቱ። ተመዝግበው ከሆነ የክትባት መዝገብዎን ለማየትና ቅጂ ለማተም ወይም ስክሪን ሾት ለመውሰድ ወይም ፎቶ ለመውሰድ፣ የኮምፒተር ገጽ ውስጥ (በእንግሊዝኛ ብቻ) log in to MyIR (in English) ይግቡ። አካውንት ከሌለዎት ለMyIR (sign up for MyIR) በማንኛውም ግዜ መመዝገብ ይችላሉ።
2. የክትባት ምስክር ወረቀትዎን የዋሽንግተን ስቴት የሞባይል አገልግሎት MyIRmobileን (in English) (በእንግሊዝኛ ብቻ) በመጠቀም ማግኘት ይችላሉ።  የዋሽንግተን ስቴት የሞባይል አገልግሎት (MyIRmobile) መዝገብ፣  ስም፣ የትውልድ ቀን፣ የቴሌፎን ቁጥርና ኢሜልዎን እርስዎ መሆንዎን ለማረጋገጥ ያስተያያል። ከእነዚህ ውስጥ አንዳቸውም ቢጎድሉ ወይም ትክክል ካልሆኑ ከመዝገብዎ ጋር ማረጋገጥ አይችሉም ። የማረግገጥ ችግር ካለ፣ የMyIR Mobile ቻት መጠቀም ወይም በስልክ ቁጥር 833-VAX-HELP መደወል ይችላሉ:: (የትርጉም አገልግሎት አለ)
3. ክትባቱን ሁሉ ግዜ ከሚሄዱበት የህክምና ቦታ ካገኙት፣ የህክምና ቦታው ቅጂውን ማግኘት ይችላሉ።
4. ወደተከተቡበት ቦታ ተመልሰው አዲስ ካርድ ለማግኘት የክሊኒኩን ተቆጣጣሪ ሊጠይቁ ይችላሉ። ማን እንደሆኑ አረጋግጠው አዲስ ካርድ ሊሰጥዎት ይችላሉ።

ልጅዎ ልክ ከሌሎች የልጆች ክትባቶች እንደሚመጡ የጎንዮሽ ጉዳቶች ተመሳሳይ ከኮቪድ-19 ክትባት የእጅ ህመም፣ የህመም ስሜት እና ትኩሳት ሊኖረዉ ይችላል። እነዚህ የጎንዮሽ ጉዳቶች ጊዜያዊ እና በአብዛኛዉ ከ 1-2 ቀናት ዉስጥ ይሄዳሉ።

የ myocarditis (የልብ ጡንቻ መቆጣት) እና pericarditis (የልብ የላይኛዉ ሽፋን መቆጣት) ትልልቅ ልጆች (12–17 ዓመታት ዕድሜ ያላቸዉ) ፋይዘር ክትባት ከወሰዱ በኋላ ርፖርት ተደርጓል። እነዚህ ምላሾች በጣም አልፎ አልፎ እና በአብዛኛዉ በወጣት ወንዶች የሚከሰቱ ናቸዉ። ባጣቃላይ እነዚህ ሁኔታዎች ያጋጠማቸዉ ሰዎች ከህክምና በኋላ በቶሎ ይሻላቸዋል።

ከ 5-11 ዕድሜ ባሉ ልጆች ክሊኒካዊ የክትባት ሙከራ ከክትባት በኋላ ባሉ ሶስት ወር መከታተያ ወቅት ምንም የmyocarditis ክስተቶች አልነበሩም። የክሊኒካል ሙከራዉ የሚቀጥል እና CDC እና FDA ሊከሰቱ የሚችሉ ምላሾችን ወይም ያልተለመዱ ጎኞሽ ጉዳቶችን ለመቆጣጠር እና ለመለየት ስርዓቶች በቦታቸዉ አላቸዉ።

አይ. ማንኛዉም ክትባቶች የኮቪድ-19 ክትባቶችን ጨምሮ የወንድ ወይም የሴት የመዋለድ ችግሮችን ማስከተል እንደሚችሉ ምንም ማስረጃ የለም። የኮቪድ-19 ክትባት ከወሰዱ በኋላ በሚሊዮኖች የሚቆጠሩ ሴቶች አርግዘዋል።ያልተከተቡ ሴቶች የኮቪድ-19 ክትባት ከተከተቡ ሴቶች የበለጠ የመሞት ወይም ልጃቸዉ የመሞት ስጋት አላቸዉ።