ማን ነው ብቁ ?

የተሻሻለው (ቢቫለንት) ክትባት እድሜያቸው 6 ወር እና ከዚያ በላይ ለሆኑ ሰዎች ይመከራል።

እድሜያቸው ከ6 ወር እስከ 5ዓመት የሆኑ ህጻናት ብዙ COVID-19 ክትባት ሊፈልጉ ይችላሉ፣ ቢያንስ 1 የተሻሻለ የፒፋይዘር ወይም ሞደርና ክትባት። ቀደም ሲል በተቀበሉት የክትባት መጠን እና በእድሜ ላይ የተመሰረተ ነው።

ምን ያህል መጠን እንደሚፈልጉ ጥያቄዎች ካለዎት እባክዎን የጤና እንክብካቤ አቅራቢዎን ያነጋግሩ።

ወደ ክትባት ጣብያ ምን ይዘህ መምጣት እንደሚኖርብህ

• ዕድሜህን የሚያረጋግጥ ሰነድ፥ የስተይት፡ ጎሳ ወይም በፈደራል መንግስት የተሰጠ መታወቅያ ወረቀት፣ የትውልድ ሰነድ (birth certificate)፣ የት/ቤት መታወቅያ ወረቀት ወይም ስምና የትውልድ ቀን የሚያሳይ የሕክምና ወረቀት ይዞ መምጣት ይቻላል።
  
  
• ኣጭር ኣጅጌ ልበስ፥ ወይም በቀላሉ ወደላይ የሚሰበሰብ እጅጌ፡ ክትባቱ በላይኛው የክንድ ክፍል ለመውሰድ እንዲያመች።
  
  
• ስልጣን ባለው አዋቂ ሰው የተሰጠ ፈቃድ: ዕድሜዎ ከ18 ዓመት በታች ከሆነ: ክትባት ለማግኘት ስልጣን ካለው አዋቂ ሰው ፈቃድ ማግኘት ያስፈልግዎታል። ከቤተሰብ ነጻ ሆነው የሚኖሩ ከሆነ : አዋቂ ሰው አግብተው ከሆነ: ወይም የክትባት ጣቢያው የበሰሉ/አዋቂ ልጅ (mature minor) መሆንዎትን ከወሰነ ለራስዎ ፈቃድ መስጠት ይችላሉ። ሁሉም የክትባት ጣቢያዎች የበሰለ/አዋቂ ልጅ ውሳኔዎችን ሊሰጡ አይችሉም።
  
  

ለልጆች ፈቃድ ለመስጠት የሚችሉ ስልጣን ያላቸው አዋቂዎች የሚከተሉትን ያካትታል:

• የጤና እንክብካቤ ውሳኔዎችን ለእርስዎ መስጠት እንዲችሉ ከፍርድ ቤት ፈቃድ የተሰጣቸው አዋቂዎች (ህጋዊ ሞግዚት: አሳዳጊ: ከቤት ውጭ እንዲሆኑ የታዘዘበት)
• ወላጅ
• የጤና እንክብካቤዎትን አስመልክቶ ውሳኔ እንዲሰጥ ከቤተሰብ በጽሁፍ ፈቃድ የተሰጠው አዋቂ ሰው
• ለጤና እንክብካቤዎት ሃላፊነት ያለበት የቅርብ ዘመድ የሆነ አዋቂ ሰው
• በአንዳንድ ሁኔታዎች: የት/ቤት ነርስ: የት/ቤት አማካሪ: ወይም መኖርያ ቤት የሌለው ተማሪ ጉዳይ አስፈጻሚ
  
  

ስልጣን ያለው አዋቂ ሰው በክትባት ቀጠሮው ላይ ከርስዎ ጋር የማይገኝ ከሆነ ስልጣን ያለውን አዋቂ ሰው ማረጋገጫ ወይም በህግ ነጻ መሆንዎትን የሚያረጋግጡ ማስረጃዎችን ለማሳየት የሚያስፈልጉ ነገሮችን በተመለከተ ክትባቱን ከሚስጥዎት ድርጅት ያጣሩ።

የህብረተሰብ ጤና - የሲያትልና ኪንግ ካውንቲ ለልጆች የCOVID-19 ክትባት ፈቃድ መስጫ ፎርም (PDF)

ይህ ቅጽ በህብረተሰብ ጤና የሲያትል እና ኪንግ ካውንቲ የክትባት መስጫ ጣቢያዎች እንዲሁም በኦበርን እና ኬንት የጋራ የክትባት ጣቢያዎች እና የህብረተስብ ጤና ክሊኒኮች ስራ ላይ ይውላል። ስልጣን ያለው አዋቂ ሰው በክትባት ቀጠሮው ላይ ከርስዎ ጋር የማይገኝ ከሆነ ይህ ቅጽ እንደ ጽሁፍ ማረጋገጫ ሊያገለግል ይችላል። እንዲሁም የህብረተሰብ ጤና ሰራተኛ ስልጣን ካለው አዋቂ ሰው በስልክ የቃል ማረጋገጫ ወይም የጽሁፍ ማስታወሻ ሊቀበል ይችላል። የክትባት ቀጠሮዎት በህብረተሰብ ጤና ጣቢያ ካልሆነ ስልጣን ያለውን አዋቂ ሰው ማረጋገጫ ወይም በህግ ነጻ መሆንዎትን የሚያረጋግጡ ማስረጃዎችን ለማሳየት የሚያስፈልጉ ነገሮችን በተመለከተ ክትባቱን ከሚስጥዎት ድርጅት ያጣሩ።