Skip to main content
King County logo
Niñniñ im ajiri ro 6 allōñ im rittolak remāroñ in kiō bōk wā in COVID-19

Moderna im Pfizer COVID-19 wā ko rej kiō melim ñan kōjerbale ilo ien jidimkij ñan jābdewōt armij 6 allōñ im rittolak.

Jikin wā ko rej kiō kōttar kein jerbal ko im jino bojjak in lelak ñan ri nañinmej ro diik tata, bwe ejjab aolep jikin wā ko renij bojjak ilo ien eo emōkajtata ñan yiiō kein. Elaplak ien wā ko renij bellọk ilo jinion Juḷae.

Lale Bōk wā ilo King County ñan jikin wā ko im jikin karōk ien etal im wā.

Meļeļe ko ňan lale elmen bō wᾱ in bōbrae ko ej ikkutkut aer kakkᾱᾱl. Kemij jerbal e wōt ad bōk ukook in meļeļe ko rekᾱᾱl ien eo eṃōkaj tata, botaap emaroň in wōr rumij itok wōt jen iien ko aikuji ňan ukook im door e ilo website eo. Koṃool kin am kijenmej.

Meļeļe ko rekᾱᾱl tata rebed ilo kajin belle ilo kingcounty.gov/covid/vaccine.

Aolep ro 5 aer iiõ im lõñlôk remaroñ bõk wá in COVID-19. Ilo tõre in, ejañin melim an ajiri ro ilal in 5 iiõ dretaer bõk wá in COVID-19. Jerbal in etale ko rej kõmman kiiõ ñan lale elañe uno kein rõmman ñan ajiri.

Bōk meļeļe kin ta ko rekkar im ñan bōk wā in bōbrae ko ilo King County.

Wā in kakajur ko jinion (5 yiiō+)

Aolep yiiō 5 im rittolak rej aikuj in bōk wā in kakajur eo ñan māroñ in lukkun bōbrae:

  • Lalem allōñ elikin wā eo kein karuo an Pfizer ak Moderna (LALE: Armij ro ejjab kajur enbwinnier remāroñ in laplak wā ko aer. Bōk wā in kakajur eo 3 allōñ elikin wā eo am eliktata ilo wā ko jinion.)
  • 2 allōñ elikin juon wā in J&J

Wā in kakajur ko kein karuo

Armij ro rej aikuj in bōk wā in kakajur ko kein karuo an Pfizer im Moderna COVID wā ko:

  • 50 yiiō im rittolak
  • 12 yiiō im rittolak ro ejjab lap ak ejjab lukkun kajur enbwinnier. Lale melele ko relaplak kake Wā ñan Armij ro rejjab lukkun kajur enbwinnier ilo peij in.

Bar ro remāroñ tōbrak:

  • 18 yiiō im rittolak emōj aer kar bōk J&J ñan aer wā ko jinoin im wā in kakajur.

Ñe kwōj māroñ in tōprak, kwōmāroñ bōke wā in kakajur eo kein karuo tarin 4 allōñ elikin wā in kakajur eo kein kajuon.

CDC ej rōjañ (ilo Kajin Pālle) bwe jābdewōt armij 5 yiiō im rittolak im elap ak ejjab lukkun eman ejmour ko aer (ejjab kajur enbwinnim) bōk wā eo kein kajilu. Wā eo kein kajilu ej mōttan wā ko jinion, ejjab wā in kakajur eo.

Aolep ro 12 yiiō im rittolak im ejjab lukkun kajur enbwinnier rej aikuj in bar bōke 2 wā in kakajur ko.

Ñe wā ko am 2 jinion ekar Pfizer/Moderna:

  • Wā ko kakobaba: Pfizer/Moderna, tarin 1 allōñ elikin wā eo kein karuo 2
  • Wā in kakajur eo kein kajuon: Pfizer/Moderna, 3 allōñ elikin wā eo kein kajilu
  • Wā in kakajur eo kein karuo: Pfizer/Moderna, 4 allōñ elikin wā in kakajur eo kein kajuon
  • Ej melelein 5 oran wā ko

Ñe kwar bōke J&J elikin wā eo am jinion:

  • Wā ko kakobaba: Pfizer/Moderna, 2 allōñ elikin juon wā in J&J.
  • Wā in kakajur eo kein kajuon: Pfizer/Moderna, 2 allōñ elikin wā eo kakobaba
  • Wā in kakajur eo kein karuo: Pfizer/Moderna, 4 allōñ elikin wā in kakajur eo kein kajuon
  • Ej melelein 4 oran wā ko

Lale Bōk wā ilo King County ñan jikin wā ko im jikin karōk ien etal im wā.

Ejelak woneen wã in COVID-19, jokdron kin imigration ak health insurance ne am. Wā eo enaj deloñ wonnen jen ibben Medicare, Medicaid, im elōñ injuran kombani ko ejab an kien, im enaj kolla wonnen wā ñan ro ejellok aer injuran.

Jarko rej ajeej wã in COVID-19 rebban:

  • Charge e kwe ñan wa
  • Charge e kwe kin fee ko an administration eo, copay, ak coinsurance.
  • Jab lelak wã in ñan armej ro ejelak aer coverage in health insurance, ejjab insurem ak ej bed namoj in network eo.
  • Charge woneen am etal ñan obiij kan aer ak fee ko jet ñan armej eo ej bokke wã eo an COVID-19.
  • Rej men bwe kwon jerbal ñan maroñ bokke wã in COVID-19; bareinwot, jerbal ko ak Mon Ejmour ilo torre en renij lewaj am bill.

Jarko rej ajeej wã ñan COVID-19 remaroñ:

  • Remaroñ lale ñe ewor am refund jān plan eo ak program ko (waan jonak: private health insurance eo am, Medicare, Medicaid) ñan wã in jān administration fee eo. Bareinwot, jarko rej ajeej wã reban charge armej eo ej bokke wã eo kin juon bill.

Mon Ejmour an public- Seattle im King County rej elewaj free jikin ebbõk wã. Aurōk an ajej wā ilo ejellok kalijeklok ñan jikin taktō kein. Melele ko kwomaroñ loe ilo Ebbõk wã ilo King County page eo.

Renaaj lale bwe wā in bōbrae ko rej safe im eṃṃan aer jerbal kōn aer kōṃṃan  men kein:

Katak kake ippān armej

Rej aikuj katak kake ippān armej ke taktō ro rej loloodjake ke elōñ tọujin armej rej bōk wā in bōbrae eo.

Food im Drug Administration eo (FDA) ej lale men ko rej katak jān iien teej im kajerbal meḷeḷe kein bwe ren lale joñan an safe im eṃṃan an jerbal kajojjo wā in bōbrae.

FDA eo ej reiḷọk ñan katak im ḷōmṇak ko jān juon kumi me rej scientist im ri kapeel,  Vaccines and Related Biological Products Advisory Committee (VRBPAC, Kumi in Kwaḷọk Aer Ḷōmṇak kōn Wā in Bōbrae im Kein Jerbal Ñan Ānbwin) Aolep armej re maroñ lale kweilọk ko an VRBPAC‎.

Eḷaññe juon wā in bōbrae ej ḷoor kakien ko an FDA eo kōn joñan an safe im eṃṃan an jerbal, innām FDA eo e maroñ ba bwe armej re maroñ kajerbal wā eo ñe rej ḷoor wāween aer kōṃṃan license ilo U.S. kōn wā in bōbrae ak kōn aer kamālim aer kajerbale kōn an wor emergency‎.

Ālikin an FDA eo kwaḷọk an ḷōmṇak, bar juon kumi an ro re kapeel kōn wā in bōbrae, US Advisory Committee on Immunization Practices (ACIP, Kumi in Kwaḷọk aer Ḷōmṇak kōn Wā in Bōbrae), enaaj lale eḷaññe eṃṃan an safe im jerbal wā eo. Renaaj kwaḷọk aer ḷōmṇak ñan CDC eo kōn ta eo taktō ro ren kōṃṃane im bwe armej ren jeḷā kōn wā in bōbrae eo.

Wāween Aer Jeḷā Bwe Wā in Bōbrae ej Safe

Ālikin aer kamālim juon wā in bōbrae bwe armej ren kajerbale, koba wā in bōbrae COVID, enaaj wor elōñ kein lale joñan an safe me rej kajerbale ñan lale eḷaññe ewor jorrāān ko me rej waḷọk.
Eḷaññe e waḷọk juon jorrāān me raar jaje kake ṃokta, enaaj ṃōkaj an ri kapeel ro jerbal bwe ren lale eḷaññe ej juon men ren inepata kake ke jab.Ilo wāween in renaaj lale aolep iien joñan an safe men eo meñe eṃōj an jeṃḷọk katak ko me taktō ro raar kōṃṃani.

Ñan wā in bōbrae COVID-19, CDC im FDA rej kōṃṃan elōñ wāween lale bwe wā ko ren safe ilo iien aer kajerbali im bwe ren kakōrṃool bwe wā in bōbrae COVID-19 ren safe joñan wōt aer maroñ.

Jikin ko wōt ewōr aer laijen im emōj aer bōk kaminene in jerbal ko an ejmour remaron lelok wā ko

Ro ilo jikin taktō me ewor aer license im eṃōj katakin er re maroñ liḷọk wā in bōbrae ko. Ro wōt im eṃōj aer license im katak bwe ren leḷọk wā in bōbrae renaaj maroñ in liḷọk wā ko. Ñe elōñḷọk wā in bōbrae ñan aolep armej, enaaj lōñ kain ri jerbal jān jikin taktō me renaaj liḷọk wā ko bwe en pidodoḷọk an armej bōke eḷaññe re kōṇaan. Armej rein re maroñ leḷọk wā ko ilo clinic im hospital ko kab jān jet wa ak ilo jikin ko ilo jukjuk in pād ko.

Ñan Meḷeḷe ko Reḷapḷọk kōn Wā in Bōbrae COVID-19


Ekkar nan kakien ko an Federal kin maron ko an armij ilo juon jikin, Public Health - Seattle & King County (Public Health eo an Seattle im County eo an King) rejab kalijeklok ilo jabdewot burokraam ak makutkut kin jonan jikin eo an kajojo armij im ewor kejbarok nan er, ekoba botab, ejab jemlok wot nan kumi in armij ro rej kobalok ibbeir, kalor in kil, lal eo rar ejaak jene, kabun, waween aer kalikar ne rej kora ak emmaan (ekoba waween aer lomnak ne rej kora ak emmaan), kelet ko aer ne rej kora ak emmaan, utamwe, jonan yio, im jekjekin belele. Ne ewor am abnono ak kwokonaan baele juon abnono, ak ne ewor am kajitok kin an maron kar wor kalijeklok, jouj im kebaak King County Civil Rights Program (Burokraam eo ej lale Maron ko an Armij ilo Juon Jikin an County eo an King ilo civil-rights.OCR@kingcounty.gov; 206-263-2446 (jouj im kalikar kajin eo am nan ukok); TTY Relay 7-1-1; ak ilo mael (401 5th Ave, Suite 800, Seattle, WA 98104).


Link/share our site at www.kingcounty.gov/covid/vaccine/marshallese