Skip to main content
King County logo

Oktoba 13, 2022: Wā in kakajur ko emōj aer kakāāl rej bellak kiō. Wā in kakajur ko emōj aer kakāāl renij tōpar Omicron variant ko im rej ajeeded im bar COVID baerōj eo jinion.

Kwōj aikuj in bōk wā in kakajur eo ñe:

  • Ej 5 am yiiō im rūttolak,
  • Emōj am kōmmane wā ko jinion innem bar (wā ko 2 jinion an Moderna/Pfizer/Novavax ako 1 wā in Johnson & Johnson), im
  • Emōj an 2 allōñ jān wā eo am eliktata (wā eo am eliktata enkar juōn wā eo jinion ak juōn wā in kakajur).

Aolep ro rej māroñ in tōprak rej aikuj in bōk wā in kakajur eo, im elaptata armij ro lōñ in 50 yiiō ak ro emọjno enbwinnier ak nañinmej ko āinwōt tōñāl ak nañinmej in menono.

texÑan elaplak melele ikijen wā, etal ñant COVID-19 peij in Wā jān Washington State Department of Health (Rā eo an Ejmour).

An kōmman im ejellok jorren ilo wā eo an COVID-19

Obij eo ej bōk eddon kakien kin mōñā im uno (Food and Drug Administration, FDA) emōj an kōmelim kōjerbal wā in COVID-19 ko kein kajuon. Elōñ wā ko jet rej kōmman wōt kiō im elukkun bar lōñ rej bed ilo katak in taktō ko relab joñaer im elukkun lōñ taujin armij rej lelok jibañ ilo aer bōk kwōnaer ñan loloorjak wā kein rebañ letōk jorren im ejejjet aer jerbal.

Elukkun iiet joñan wā in COVID-19 ko emōj aer jino tōbar tōk ilo state eo an Washington ilo jemlokin 2020. Kim ej katmāne an naj lablok joñan an wā ko itōk im wā ko an COVID-19 renaj bidodo lok an jabdewōt eo ekōnaan bōk wā eo ilo ien spring ak summer 2021.

Obij eo ej bōk eddon kakien kin mōñā im uno (Food and Drug Administration, FDA) ej kōjerbal Kōmelim in Kōjerbal ilo Ien Idin ko (Emergency Use Authorizations), einwōt ad bar jelā EUA ko ilo ien idin jorren ilo lal in ñan kōmmane juon an mweiuk bojak ñan lale idin aikujin ejmour eo. EUA ej kōmelim an mweiuk in maron jerbal mōkta jen an bōk likiō in laijen eo an.

EUA eo emaron jerbal ñan teej, kein jerbal ko, ak kein kōmadmōd ko. Emōj an FDA eo lelok EUA ko ñan lale nañinmij ko an anthrax, Ebola, H1N1 im idin nañinmij in ejmour ko ilo kar tōrre ko moktalok.

Ej aikuj tōbare melele in kajinet ko an FDA ñan an aer lomnak kin EUA ñan juon wā an COVID-19 , ekoba joñan ko ñan an jab lelok jorren im jejjetin an jerbal im an etale jen juon kumi in taktō ejenolok im ewōr aer kabeel kin kōmadmōd in.

Ñe FDA enaj kōmelim juon wā ñan juon EUA, juon kamiti in rōjañ kein karuo im ejenolok enaj etale melele ko ikijen an wā in jab letōk jorren im jejjetin an jerbal. Kamiti in, Kamiti in Rōjañ kin Kōmadmōdin Wā (ACIP), enaj kōmmane rōjañ eo aer elañe wā in ej aikuj jerbal. Ñe renaj rōjañ ke emmon, ACIP enaj lelok melele in kajinet ko ñan rijerbal ro an jikin ejmour.

FDA im CDC renaj wonmaanlok in lale an wā in jab lelok jorren im jejjetin an jerbal jekdoñ ālikin an mōj kōmelimi.

Elukkun aurok bwe wā ko renjab lelok jorren. Aoleb wā ko an COVID-19 rej aikuj etal ilo juon wāween teej eo etiljek im lōñ laajrak ko im kōmadmōdin etale mōkta jen an maron jerbal ilo U.S. Men kein rekoba katak ko ibben elōñ taujin armij im melele ko renaj etale jen board ko rejenolok im rej lale an ejellok jorren. Renaj tōbtak ak melim wōt ñan aer kōjerbali elañe renaj tōbrak ilo joñan ko ikijen aer jab lelok jorren im jejjetin aer jerbal. Renaj bar lale an wā ko jab lewaj jorren ilo ien eo renaj lewaj.


Bideo kadu in jen CDC ej lewaj melele ko relablok kin wāween aer kōmman wā ko an COVID-19.(Website ej ilo Kajin Belle wōt)

Ekkā, an teej im kōmadmōdin wā kōmman ilo laajrak ko relōñ joñaer, ebōk ien, im laajrak ko rejenolok iomwin elōñ yiō. Kin jorren eo ear jelōte aoleben lal in, kien eo an federal ear lelok kolla eo ejenolok ñan rikatak im jikin ko rej kōmman wā ñan kōmelim aer kōmman, teej, im kōmadmōd ilo juon wōt ien. Rebañ jolok jabdewōt laajrak in jerbal bōtab ien kōmmane emaron mōkajlok.

Wã kein emõj an kakien jān Pfizer im Moderna im rej mRNA (Website in ej bed wōt ilo kajin Belle) wã ko. mRNA wã kein rekar jerbal iumwin bwijin yiio. Elablok an aoleb kōnaan jelā kin wā kein kinke rar kōmman ilo jikin kakōlkōl ko rar kōjerbal mweiuk ko ewōr kadede. Melelein mennin ej emaron wōr joñan madmōd in im emaron lablok, kōmman an mokajlok kōmadmōde jen wāween ko jinoin in aer kōmman wā.

Wā eo an Johnson & Johnson wā in viral vector eo, ej kein jerbal eo ekar kaman ilo 1970 eo. Iumwin bwijin yiio, bwijin ekatak kin jerbal ko ikijen wã in ekar kaman ilo aolepen lalin. Emoj aer jerbal ñan nañinmej ko jot ainwot Ebola, Zika, flu, im HIV.

Ilo ien emōj kōmelim juon wā jen ibben EUA, ro COVID-19 rej lelok jibañ ko aer in bōke wā eo rej lale er ilo juon ien ekadu lok jen ilo ien madmōdin kōmelim wā ko mokta. Teej ñan jabdewōt wā in COVID-19 ekoba taujin armij ro rej letōk jibañ ko aer, im ediklok jen jimetan in rijibañ rein rej lale aer bed jab diklok jen 2 allon ālikin aer lelok wā eo āliktata (im ejab 6 ak lablok allon einwōt ilo madmōd ko mokta) Bōtab, lōkkin ruo allon, elōñ metak im nañinmij ko rej walok jen wā ko emōj katmāne aer naj walok.

Emaron walok metak ak nañinmij ko relukkun jejā ālikin an naj wā millien armij. Kin mennin, kejbarok in wā ko an COVID-19 renaj wonmaanlok in lali ālikin aer lelok.

Aet. Jino jān kar April 24, 2021, ritto ro dretaer 18 im rittolok remaroñ bōk wā in Johnson & Johnson COVID-19 ālkin an CDC im FDA kadedelok jerbal in etale ko aer ak review kin wā in.

J&J wa eo edrik kauwatata eo an jen kwoj botoktok eo elap, elaptata nan kora ko lalin 50 yiio.  Pfizer, Moderna, im Novavax wa ko ejelok aer kuawatata rot in, im rej rejan (peij eo online ej bellok ilo kajin palle wot) ion J&J nan wa eo jinion im wa in kakajur.

Team in bobrae eo an CDC emoj aer loe juon connection kotaan wā in mRNA ko (ainwot Moderna im Pfirzer) im myocarditis ilo ro rej driik im jodrikdrik.  Myocarditis ej juon nañinmej in muscle ko ilo menono.

Report in myocarditis im pericarditis (nañinmej in line ko ilo muscle in menono) ejeja, ilo buki ion million in wā ko emoj lelak ñan armij.  Kakole ko rej kijon walok iumin jilimjuon raan elikin wā eo kein karuo im case ko rej kijon walok ilo emaan ro redriik im jodrikdrik yiio 16 im rittolak.  Elon ian rinaninmej ro kin myocarditis elikin wā ekar eman aer respond ñan treatment im mokaj an kar eman aer mour.

Kuawatata eo an myocarditis edrik ilo an compare ñan jibañ ko jen wā eo.  Wā eo emoj an walok an kabōjrak case in COVID-19, bed lowaan hospital im mej ko.  Wā eo ej bar kwalok bobrae jen nañinmej in elon-kakole ilo ajiri im ritto, kakole ko rej-aitok, ("aitok-kitien Covid"), jen variant ko rekaal, im laplak aer kuawatata.  Kuawatata in condition kein elaplak jen bok myocarditis jen wā eo.

Jokdron myocarditis ejeja, CDC ej rejang ke armij ro rej kab wā ren lale jabdrewot ian kakole kein elikin aer boke wā eo ak wā ko:

  • Metak ub
  • Ikijelak
  • Eñjake an mokaj-ettor, ikumkum, pound menono

Kabbok jikin takto ñe kwonij ion jabdrewot ian kakole kein.

  • Jaab. COVID-19 wa in eban edeb ilo enbwinim, ekoba jikin wa ko (ilo peim).
  • Ejelok wa en ewor menin edeb ie. Aolepen w‹ ko an COVID-19 eban edeb bwe ejelak metal enwot ion, kaba, cobalt, lithium, ak menko jet. Menkein eban wor menko enwot microelectronics, electrodes, carbon nanotubes, or nanowire semiconductors.
  • Lale menko rej likit ilo COVID-19 w‹ eo tulsl im Elmen an COVID-19 wa kein jerbal.

Video in jān Ra eo an Ejmour an Washington (video in ej bed wōt ilo kajin Belle) lewaj jibañ ikijen wawein jerbal e tone eo, author eo, im menko ñe kwoj loe melele kāāl kein, im jujen check ibben armej ro kwojella kajããn. Emōj an Jikin Ejmour bar kōmmane juon jibañ etañin emool ke? ñan kenono kin jet melele ko rekkā im bōd kin wā eo an COVID-19.

Ewi wāween an wā eo an COVID-19 jerbal

Wā ko an COVID-19 rej jibañ an enbwinnid bōbrae jen kij eo ej kōmman COVID-19 ilo ad jab aikuj bōk nañinmij eo. Ilo ien am bōk wā eo, jikin bōrae eo iloan enbwinnim enaj kōmman kein bōbrae ko ettaer in antibody ko im mottan jidik ko iloan enbwinnid etannin cell ko rej manman kij im rej kejbarok kwe ilo ien eo kwōnaj bōk kij eo.


Bōk melele ko relablok kin wāween an wā ko an COVID-19 jerbal iloan enbwinnid ilo bideo in 60 jekon āitokin. (Website ilo Kajin Belle wōt)

Wā eo an COVID-19 enaj jibañ kwe jen amnañinmij ak bōk nañinmij kauwōtata kin COVID-19.

  • Ej jibañ kejbarok kwe ilo an katakin jikin bōbrae eo iloan enbwinnim mañ kij eo ilo am jab eñjaak nañinmij in COVID-19.
  • Ilo katak in taktō ko, wā ko an COVID-19 ewōr kiō emōj loi an lukkun jejjet aer jerbal ñan kejbarok armij jen COVID-19.

Wā eo an COVID-19 enaj juon kein jibañ eo aurok ñan kōbōjrak jorren in elab im emōj an jelōte aoleben lal in.

  • Ad bōk wā eo enaj jibañ kejbarōk kwe, ro mōttam im nukkum, im armij ro jet ilo jukjukinbed eo jen COVID-19. Ad bōk wā eo koba ibben ad loore rōjañ ko jen jikin ejmour eo enaj letōk kejbarōk eo elabtata an emmon jen COVID-19 ilo ien in.
  • Ekōnak kein kalbubu māj im kattolok doon enaj jibañ kadiklok am maron kebaak kij eo ak kajeedede ñan ro jet, bōtab, joñan kein makelok iaer rejab bwe. Wā ko renaj jerbal ibben kein bōbrae eo iloan enbwinnim innem enaj bōjak in mañ kij eo ilo ien eo kwōnaj kebaake.
  • Iomwin ien, ilo an lōñlok armij renaj wā, emaron naj jako ad aikujin kōmmane joñan ko jet ñan bōbrae jen COVID-19 im rej mennin aikuj ilo ien in.

Jab, wā ko an COVID-19 rejab kōmman ad nañinmij kin COVID-19. Wā ko an COVID-19 rej katakin enbwinnid kejbarok kij ilo an kōmman anitobody ko im cell ko jet ñan tarinae nañinmij. Wã kein rej katikin enbwinir bwe en kaman protein ko im rej enwot virus ko jej loe ilo COVID-19. Ñan am lelak melele ko, wã kein rej kajerbale messenger an RNA (mRNA) ak menko jet, virus eo ejjab kawatata ej kaman bwe en enjab kaman nañinmej. Enbwinir eo loe protein ko im kaman juon kein jumae virus ko an COVID-19 ñe ej dreloñ ilo enbwinir.

Mool ke emaroň wōr abwiňōňō ko einwōt metakbar, ebbōj peium, ṃōk ak piba ilo juōn ak ruo raan elikin aṃ bōk wᾱ eo. Bōtaap abwiňōňō kein eban to aer bed im rej kakōļļe in an wᾱ in bōbrae eo kokajoor e enbwin eo. Jet iaan nañinmij ko ālikin ad bōk wā remaron einwōt ko an COVID-19, bōtab ejab einwōt juon nañinmij. Ejellok kobban kij ak jabdewōt mottan kij iloan wā eo im ebañ kōmman COVID-19.

Wã kein emõj an kakien jān Pfizer im Moderna im rej mRNA (Website in ej bed wōt ilo kajin Belle) wã ko. mRNA wã kein rekar jerbal iumwin bwijin yiio.

Ejellok kij iloan wā ko an mRNA, innem kwōbañ bōk nañinmij in COVID-19 jen wā eo. Ak, wā ko an mRNA rej lelok kōmelele ko ñan cell ko ad ñan kōmmane juon protein ejab kauwōtata—im ej einwōt protein eo aurōk ioon kij eo an COVID-19. Ilo ien an cell ko am kōmman protein, enbwinnim ej kōmmane juon wāween an bōbrae ekajur im antibody ko ñan kejbarok jen COVID-19. Enbwinnim ej katak wāween an kejbarok kwe jen am nañinmij ilo am jab kebaak kij eo.

Ālikin an mRNA eo katakin cell ko ad kejbarok jen COVID-19, enzyme ko iloan enbwinnid rej mokaj im rub im jolok mRNA. mRNA ejab deloñe nucleus in cell ko ad, DNA, ak mōttan kij in bōrañ ko.

Jekdon ñe wā in mRNA ko rej kab kein kajuon emōj kōmelim ñan kōjerbal, kein jerbal kabel in mRNA emōj katak kake elablok jen 30 yiō. Melele ko ikijen elmen an mRNA jerbal (Website in ej bed wōt ilo kajin Belle) kwomaroñ loe ilo website en an CDC.

Johnson & Johnson COVID-19 wã eo ejjab kõjerbal virus ko rejjab kawatata (ejjab coronavirus) im rekar etaale bwe enjab kamman menin am nañinmej. Virus in ejjab kawatata ej katakin cell kein ad bwe en kammane protein ko jej loe ilo coronavirus. Ñe cell ko ilo enbwinim ej kaman protein, enbwinim ej kammane juon men eo ekajur ej jumae jān COVID-19. Enbwinnim ej katak wawein bobrae ki eok jen am eñjake nañinmej in COVID-19 ilo am jab epaake lukkun coronavirus eo.

Wã in eban men bwe kwon nañinmej kin COVID-19 ak virus in enij jibañ katakin ebwinim bwe en jumae. Wã in ebban dreloñ ak janiji nucleus in cell kein ad ilo enbwinir, DNA at menko an gene kein ad.

Scientist ro rekar jinoe kammane vector kein ilo 1970s. Iumwin bwijin yiio, bwijin ekatak kin jerbal ko ikijen wã in ekar kaman ilo aolepen lalin. Emoj aer jerbal ñan nañinmej ko jot ainwot Ebola, Zika, flu, im HIV.

Köra ro ilal in 50 aer iio raikuj iruj kin menin kauatata kein meñe ejeja aer walok. Pfizer, Moderna, im Novavax wa ko ejelok aer kuawatata rot in, im rej rejan (peij eo online ej bellok ilo kajin palle wot) ion J&J nan wa eo jinion im wa in kakajur. Jouj im lale kajitōk ñe ilōñ “Ebellôk ke wā in Johnson & Johnson ñan kojerbale?” ñan melele ko relōñlok.

Maron tobrak im wor wa

Wā ko an COVID-19 rej ajej ilo aujbitol ko, jikin wia uno, jikin ko elab armij, jikin ejmour ko an jukjukinbed im jikin ko jet. Bōk melele ko relablok kin ia eo kwōmaron wā ilo County eo an King ijin.

Ilo tore in, wᾱ in bōbrae ko ruo im apoinmen ko rejabwe. Komaroñ in loe rumijļọk ko itok wōt jen an ļap oran ro im rej aikuji. Mennin enaj emmonlok ilo ien an lablok wā ko im bellok jikin ko elab an armij etal ñani.

American College of Obstetricians and Gynecologists (Doulul eo an takto ro an kirae im kora) im CDC emoj rojan aer boke juon wa an COVID-19 elane kwobororo, kajeon bororo, ak kwoj kaninnin. Boke wa eo emaron jiban kwe im ninnin eo nejum.

  • Armij ro rebororo elablok jonan uwota nan aer bok naninmij kauwotata jenCOVID-19, im oktak eo an Delta elab jonan an kauwotata ej komman an lablok wor idin jorraan.
  • Wa ko relukkun lab aer jejjet aer jerbal nan bobrae jen naninmij in COVID-19, naninmij kauwotata, im mij, im an armij maron bobrae emaron etal nan ninnin eo nejum ilo ien an walok.
  • Elablok melele ko rej kamool ke wa ko an COVID-19rej letok kejbarok ilo ien bororo. Ejellok kein kamool ej kwalok ke am boke wa eo ej kobalok an maron wotlok lojeem. Ne ewor am kajitok, kenono ibben takto eo am.

Elañe kwar bōk juōn iian wā in COVID-19 ilikin ak ilo lal ko jet im ejañin lōñ melim jān FDA (einwōt AstraZeneca) ekwe ejañin lōñ melele ko elañe ej jerbal im elañe kwomaroñ bar bōk ibben wā ko jet emōj kōmelimi ilo U.S. in (einwōt Moderna, Pfizer, ak Johnson & Johnson).

Ijoke, armej ro rökar bök wā ko rejañin kömelim ilo U.S. renaj aikuj bar wā kin juön iian wā ko emöj an FDA kömelim buki ak en ilo wawen kein:

  • Wā in COVID-19 ko kömelim jān WHO
    • Armej ro emöj aer kadedelôk aolepen wā in COVID-19 ko aer im rökar aikuj buki im World Health Organization (WHO) ekar kömelim aer buki kin wun ko reidiñ rejjab aikuj bar bök jabdrewöt iian wā in COVID-19 ko emöj kömelim jan FDA.
    • Armej ro emöj aer bök jidik wā in COVID-19 ko emöj an FDA kömelim ñan köjerbali ilo idiñ naj bar kömelim ak kötlôk ñan aer böke ejja wā kein wöt.

  • Wā in COVID-19 ko FDA ejañin kömelim buki ak ejañin möj an WHO kömelim köjerbali ilo idiñ
    • Armej ro rökar kadedelôk aolepen wā ko aer im ro rökar bök jidik wā ko FDA ejañin kar kömelim buki ak wā ko WHO ejañin kömelim buki ilo idiñ remaroñ lelôk bwe ren bök wā in COVID-19 ko emöj an FDA kömelim buki.

Kwöj aikuj köttar iumin diktata 28 raan jan iien eo kwar wā ilikin mokta jān am bar bök wā in COVID-19 kein emöj an FDA kömelim buki.

Ta eo kwōn katmāne

Ejelak woneen wã in COVID-19, jokdron kin imigration ak health insurance ne am. Wā eo enaj deloñ wonnen jen ibben Medicare, Medicaid, im elōñ injuran kombani ko ejab an kien, im enaj kolla wonnen wā ñan ro ejellok aer injuran.

Jarko rej ajeej wã in COVID-19 rebban:

  • Charge e kwe ñan wa
  • Charge e kwe kin fee ko an administration eo, copay, ak coinsurance.
  • Jab lelak wã in ñan armej ro ejelak aer coverage in health insurance, ejjab insurem ak ej bed namoj in network eo.
  • Charge woneen am etal ñan obiij kan aer ak fee ko jet ñan armej eo ej bokke wã eo an COVID-19.
  • Rej men bwe kwon jerbal ñan maroñ bokke wã in COVID-19; bareinwot, jerbal ko ak Mon Ejmour ilo torre en renij lewaj am bill.

Jarko rej ajeej wã ñan COVID-19 remaroñ:

  • Remaroñ lale ñe ewor am refund jān plan eo ak program ko (waan jonak: private health insurance eo am, Medicare, Medicaid) ñan wã in jān administration fee eo. Bareinwot, jarko rej ajeej wã reban charge armej eo ej bokke wã eo kin juon bill.
  • Kabbok refund ñan jarko ejelok aer insurance ak emõj aer wã jān Health Resources im Services Administration eo an Program ko an COVID-19 rejjab Insure.

Mon Ejmour an public- Seattle im King County rej elewaj free jikin ebbõk wã. Aurōk an ajej wā ilo ejellok kalijeklok ñan jikin taktō kein. Melele ko kwomaroñ loe ilo Ebbõk wã ilo King County page eo.

Jet armij remaron wōr jet kakōlkōl ko einwōt metak bar, metak beir, mōk, biba, ak metak majel iomwin jet raan ālikin aer wā. Kakōlkōl kein elablok aer ekkā ālikin wā eo kein karuo. Nañinmij kein rej aoleb kōkkāāle ko ke kein bōbrae eo an enbwin ej kebooje an maron kejbarok jen nañinmij eo. Men kein rekkā im kwōmaron bar loe ālikin am bōk wā ko jet rekkā.

Anaphylaxis-juon kadek ekauwōtata—elukkun lab an jejā ālikin wā eo an COVID-19. Aoleb ro rar ioon anaphylaxis ālikin wā eo an COVID-19 rar lukkun mour, ekkar ñan melele ko ewōr, im ejellok mij enañin walok. Uwōta in nañinmij kauwōtata im mij jen COVID-19 elab jen uwōta in ioon anaphylaxis ak bar juon kadek ekauwōtata ālikin wā.

Emōj an CDC kaajeeded kōjellā kin melele ko relablok kin anaphylaxis im kdek ko jet ikijen wā ko:

CDC enij ajeej juon report ko an Johnson & Johnson wã ko ien eo emõkaj tata. Ilo trial ko an mon ejmour, anaphylaxis elukun jeja elikin Johnson & Johnson wã eo.

Elōñ armij ro rar ioon anaphylaxis ear walok kakōlkōl ko ibbeir 15 minit ālikin aer bōke wā eo. Aoleb rinañinmij rein rar kaju kōmadmōd er kin epinephrine ālikin aer kwalok kakōlkōl kein.

Aoleb jikin wā ko ewōr rijerbal in ejmour ro ewōr aer kabel im emōj aer bōk katak ko ñan loe im kōmadmōd anaphylaxis. Rej lale aoleb ro rej ebōk wā eo an COVID-19 15 minit ālikin aer wā bwe ren maron jibañ elañe aikuj.

Kwōmaron rool in jerbal im jab aikuj jab ito tak iomwin jet raan ālikin am bōk wā eo, ELAÑE:

  • Kwōjañin kebaak juon armij ewōr COVID-19 ibben IM
  • Kwōj enjaak emmon am mour im kwōmaron kōmmane makūtkūt ko am ekkā einwōt jerbal IM
  • Ejellok am biba IM
  • Kōkkāāle im kakōlkōl ko rej wōt ñan ro emōj loe ālikin aer bōk wā eo an COVID-19 (emōj laajrak ijin, ekoba metak, ebbōj, mōk, biō, metak bar) IM
  • Ejellok am kōkkāāle im kakōlkōl ko jet an COVID-19 einwōt bokbok, kajjinok, metak burō, ak ekāāl an ejellok neman ak bwin jabdewōt.

Jibañ ko jet:
CDC: Lomnak ko Ālikin Wā ñan Rijerbal ro an Jikin Ejmour
CDC: Lomnak ko Ālikin Wā ñan Ro Rej Jokwe ilo Imōn Kejbarok ko Iomwin Ien Aitōk

Emōj an CDC kōmmane V-safe, juon kein jerbal ilo talebon smartphone ko ejellok wonnen, im ej kōjerbal majej ilo text im waanjonok ko ilo web eo nan lewaj am kanne melele ñan lale ejet am mour ālikin am bōk wā eo an COVID-19. V-safe ej bar kōkememej kwe ñan am bōk wā eo kein karuo. Kim ej rōjañ am bōk kwōnaam ilo V-safe. Bōk melele ko relablok ilo www.cdc.gov/vsafe (Website ilo Kajin Belle wōt).

Wā ko an COVID-19 rebañ kōmman an teej kowalok ewōr nañinmij eo ibbam kin teej in kakōlkōl nañinmij ilo tōrre in.

Teej ko ñan kabok antibody rej kabok antibody ko iloan bōtōktōk im rej kalikar elañe armij eo ear wōr nañinmij ak kij eo ibben. Antibody ko rej kōmman ilo ien eo armij eo ej bōk juon wā ejejjet an jerbal. Ñe enbwinnim enaj kōmman bwe en maron bōbrae jen wā eo an COVID-19, teej eo am emaron kowalok ewōr kij eo ibbam kin jet teej in antibody ko ñan COVID-19.

Aet, kwōj aikuj wa wōt jekdoon ñe kwar bōk nañinmej in COVID19. Ro retijemlok ilo men kein rejañin jela ewi aetokan am naj ban bar bōk nañinmej in alkin am mour jan COVID-19.Jekdoon emoj am mour jan COVID-19, ak kwoj maroñ wot bok kuj eo im ej komman COVID-19.

Kwöj aikuj wā alkin an dedelôk iien am kar aikuj bed wöt mwe im kwojab bar iñjake jabdrewöt men. Kwojab aikuj bar bök kakölköl in COVID-19 ñan am aikuj wā.

Elañe rōkar kemour eok jan COVID-19 kin monoclonal antibodies orak convalescent plasma, inem kwoj aikuj kottar iumin 90 raan mokta jan am bōk wa in COVID-19. Konono ibben takto elañe kwōj likun jela ta ko rokar kojerbali ñan kemour eok ak elañe eloñ am kajitok kin wa in COVID-19 ko kwoaikuj buki.

Elon jikin jerbal ko rej lomnak in aikuj wa eo an COVID-19, waanjonok Governor eo emoj an aikuj wa eo an COVID-19 nan rijerbal ro an State eo an Washington. Ilo tōrre in, State eo an Washington ejab lomnak kin jabdewōt kakien ko ñan an armij aikuj bōk wā eo, bōtab jikin jerbal ko remaron aikuj an rijerbal ro aer bōke. Jikin ejmour eo ej rōjañ ke wā eo an COVID-19 ebañ letōk jorren, ejejjet an jerbal, im ej juon wāween eo aurōk ñan bōbrae jen COVID-19, kadiklok nañinmij ko, deloñ aujbitol, im mij ko rej walok jen COVID-19, im jibañ kōbōjrak jorren eo elab emōj an jelōte aoleben lal in ilo tōrre in.

  1. Lale wa eo am ilo "My Immunization Registry" (Jikin melele in wa ko ao, MyIR) an state eo an WA. Ne emoj am kadelon etam, kadelon etam ilo MyIR (ilo Kajin Belle) nan lale rekoot in wa eo am innem print ae ak boke juon screenshot ak bija in melele eo. Ne ejellok am akkoun, kwomaron kadelon etam nan My Immunication Registry (Jikin melele in wa ko ao, MyIR) jabdewot ien.
  2. Kojerbal kein kadelon melele in wa an state eo an WA ilo talebon mobile, MyIRmobile (ilo Kajin Belle) nan am boke juon beba in kamool wa. MyIRmobile ej bukot ejja melele in rekoot ko einwot etam, raan in lotak, talebon, im email. Ne jabdewot jikin ko rejab kanne ak rebod kwoban maron loe ejja rekoot ko einwot. Nan abnono ko ikijen an ejellok ejja melele kein, kwoarmon kelet kein chat eo ilo MyIR Mobile ak kurlok 833-VAX-HELP. Ewor riukok.
  3. Ne kwar boke wa eo am ilo juon jikin takto, obij eo an takto eo ej aikuj lewaj juon kabe in rekoot eo am.
  4. Kwomaron bar etal nan jikin eo kwar wa im kajitok bwe supervisor eo an jikin takto eo en lewaj juon kaat kaal. Remaron lale melele ko im kommane juon kaat kaal.