Skip to main content
King County logo

Tesema 14, 2022: O tui puipuia mo le Soifua Malōlōina ato’atoa le fa’afouina ua avanoa nei. O tui nei ua fa’asino tonu ina ia tineia le siama o le Omicron ma ona vaega eseese o lo’o fa’asalauina ae le gata i lea o le siama autū o le COVID ma ona vaega.

E tatau ona faia sou tui puipuia mo le Soifua Malōlōina ato’atoa le fa’afouina pe afai:

  • Ua e 6 masina pe sili atu,
  • Ua ato’atoa ona tuina oe i vaega tui puipuia muamua (o tui e lua o le Moderna/Pfizer/Novavax po’o le tui e tasi o le Johnson & Johnson), ma
  • Pe afai ae ua lua masina talu na uma lou tui mulimuli (tui mulimuli o ou tui puipuia muamua po’o ou tui puipuia ato’atoa)

O’i latou uma o le a agava’a e tatau ona tuiina i tui puipuia mo le Soifua Malōlōina ato’atoa le fa’afouina aemaise i latou e matutua atu i le 50 tausaga po’o i latou e vaivai o latou alagātoto po’o isi fa’ama’i e pei o a’afiaga o le suka ma le fatu.

Fa'aaliga: Tamaiti mai le 6 masina e o'o i le 4 tausaga o lo'o maua le fa'asologa muamua o le Pfizer o le a maua le aofa'i o tui e 3. Afai latou te le'i mae'a le fa'asologa, o le a latou maua se tui puipui o le Pfizer e avea ma a latou tui muamua lona tolu. Pe afai ua māe'a ona faia e lau tama le faasologa autū e 3 o le Pfizer, e latou te lē faia la se tui e faaleleia ai le tino.

Mo nisi fa’amatalaga e fatatau i nei tui, asiasi ane i luga o upega tafa’ilagi, Itulau ole tui ole COVID-19 mai le sitete of Uosigitone.

 E maua avanoa mo fesoasoani ile telefoni

Afai ae ete mana'omia se tagata fa'aliliu gagana po'o se fesoasoani e fa'atatau i upega tafa'ilagi, o le ā avanoa ni laina telefoni ete valaa'u atu ai. Fa'amolemole ia fa'ailoa ane lau gagana pe a e feso'ota'i ane i se tasi:

  • Laina fa'apitoa mo fesoasoani ile KOVITI-19 ile Sitete o Uosigitone: 1-800-525-0127 po'o 1-888-856-5816 (o'omi #), 6am-10pm Aso Gafua, 6am-6pm (Aso Lua – Aso Sa)
  • Ofisa o vala'auga a le Itûmãlõ o King County mo le KOVITI-19: 206-477-3977.

Afai o oe o se tagata e iai manaoga faapitoa ma e te moomia se isi fesoasoani mo le mauaina o le tuipuipui mo le KOVITI-19, fa’amolemole vili ane le 206-477-3977 po'o le imeli publichealthaccommodations@kingcounty.gov.

  O le Vaccine Locator a le Setete a Uosigitone e mafai ona fesoasoani ia te oe e saili taimi atofaina (filifili lau gagana mai le lisi o gagana)


O fa'amatalaga e fa'atatau i le ofoina atu o le tui o le a fa'afouina i taimi uma. O lo'o matou galulue nei e fa'afouina fa'aliliuga fa'avavevave, ae o le a i ai se fa'atuai ona o le taimi e mana'omia ai le fa'aliliuga ma tu'uina atu i luga o upega tafa'ilagi. Fa'afetai lava mo lou onosa'i.

O fa'afouga fou lata mai i le fa'aPeretania e maua i le kingcounty.gov/covid/vaccine.

Fa’apefea ona fai tui puipuia?

E maua fua le tuipuipuia e tusa lava peā lou tulaga tau sitiseni poo lou malaga mai ile atunuu. E leai se pili poo se totogi ole tuipuipuia.

O le Pfizer ma le Moderna, o ituaiga tui puipui nei e tatau ona faalua ona fai le tui. E mafai ona ese le fale e fai ai lau tui puipui muamua mai le tui puipui lona lua. O le fai o le tui lonalua, faamolemole ia ave lau pepa lea faailoa ai ua ma'ea lau tui muamua, po'o se ata foi o lenei pepa.

Pepa Faasalalau (PDF):

Drive through vaccination site

E tatau ona ave mea nei:

  • Pepa fa'amaonia: pepa iai lou aso fanau: ole setete, pepa fa’amaonia ile itua’iga tagata nu’u, po’o le pepa fa’amaonia mai le feterale. O se pili po’o se pepa fa’amaonia mai le fale tupe ae o lo’o iai lou igoa ma lou tuãtusi, e mafaia fo’i ona mafaitaulia.
  • Fai ofu e pupu'u lima po'o ofu e tatala gofie lima e fa'afaigofie ona ta'aia iluga aua lou tui iluga o lau õgalima.
  • Fa’atagana e fa’atagaina a Tagata Matutua: Afai e te la’ititi ifo ile 18 tausaga lou matua, e mana’omia se fa’atagana mai se tagata matua ua filifilia ina ia faia sou tui. E mafai fo’i ona avatu sau fa’atagana pe afai ae o oe ua avatu e le malō se pepa e avea ai ma se tasi ua matua, o lo’o e fa’aipoipo atu i se tagata matua, po’o ua iai se fa’atatau a le nofoaga o lo’o faia ai tui o oe ose tagata ua fa’amatuaina (mature minor) (i le gagana Fa’aperetania). E lē o nofoaga uma o faia ai tui e mafai ona faia nei filifiliga e fa’atatau i le fa’amatuaina. Mo nisi fa’amatalaga mo tamaiti ma talavou, fa’atasi ai ma le fa’amatalaina o le fa’atagana mai le Tagata matua filifilia, o le a tusitusia i lalo ane. Afai ae le mafai ele tagata matua ua filifilia ona auai atu i lau taimi fa’atulaga mo lou tui, siaki i le nofoaga o le ā tuiina ai oe mo fa’atapula’a mo le fa’aalia o se pepa fa’amaonia ai se fa’atagana mai le tagata matua ua filifilia po’o se pepa mai le malō ua avea ai oe ma sē tagata matua.
  • O lau pepa tui o le Centers for Disease Control and Prevention (CDC, Nofoaga ‘Autū o le Puleaina ma le Puleaina o Fa'ama'i) pe afai e faia se tui lona lua o le booster. O fa'amaumauga o lau tui fou o le a fa’aopoopoina i lau pepa tui.

E fa’apefea ona taunu’u atu i’õ:

E nofo i le Itúmālõ o King County ma e mana’omia se auala e malaga ai mo lau talavai fa’atalosagaina, o lo’o tele filifiliga:

  • Sa'iliina o se Auala: Afai e te mana'omia se auala e momoliina oe i le taimi fa'atulagaina o lou tui puipui, asiasi i le www.findaride.org poo le valaau i le Laina mo Ala o Femalagaa'iga i le 425-943-6760 (Aso Gafua i le Aso Faraile, 8:30 i le taeao i le 4 i le afiafi. Vili i le 5 mo le fa'aliliuga). Afai o e mana'omia se fa'aliliu upu, fa’ailoa le gagana o e mana'omia.
  • Pasi mo Auaunaga: E ofoina atu e le King County Metro le tele o auala o femalagaa'iga e filifili iai mo malaga i aso fa'atulagaina o tui puipui, e aofia ai femalagaa'iga a pasi, o Access mo tagata e iai mana'oga fa'apitoa, ma Community Van (Veni a Nuu) e feoa'i fa'asoloatoa. Malamalama atili fa'atatau i itúa'iga pasi fealua'i mo le lautelega ile my County Metro (e maua i le na'o le gagana faaperetania) here po'o le vala'au ile 206-553-3000.
  • A iai sau pepa ma'i ole Medicaid po'o le Apple Health Card? Vala'au ile au tautua mo le Hopelink Medicaid ile 800-923-7433 (siaki muamua lona agava'a)
  • O'oe ose tagata matua pe le atoatoa le malosi ole tino? Vala'u ile Metro Access ile 206-205-5000 (siaki muamua lona agava'a)
  • O ê taumafai e fa’atulaga femalagaiga mo le tele o tagata? Fill out this form (Fa'atumu lenei pepa) ma o le a fa'afeso'ota'i mai oe e le tagata faigaluega ole Hopelink Mobility Management ma toe fa'afeso'ota'i atu oe.

Faatulaga le faia ole tui lona lua

Afai o lo'o e mauaina tui puipui e 2, fai se taimi fa'atulagaina mo le tui lona lua i le taimi fa'atulagaina o lau tūiga pe a mae'a lau tui puipui muamua. E tatau ona faia lou tui lona lua i le 21 aso (Pfizer-BioNTech) poo le 28 aso (Moderna) ina ua mae'a le tui muamua. E lua tui fa'atoa atoa lau ulua'i fa'asologa o tui puipui ina ia mafai ona puipuia atoa oe e lou immune system.

E te le mana'omia le tui lona lua o le Johnson & Johnson COVID-19 mo le ulua'i fa'asologa o ou tui puipui.

Fai se aso fa'atulagaina o se tui puipui o le booster

O booster o ni tui puipui fa'aopoopo ina ia fa'amalosia ai le malosi ma le umi o puipuiga. E pito i sili ona tāua mo tagata matutua e ova ma le 50 tausaga ma tagata e iai ma'i masani le faia o se booster.

O tagata uma mai le 5 tausaga ma matutua atu e tatau ona faia se tui puipui o le booster ina ia fa'amalosia ai pea le lelei o puipuiga o lou tino ina ua amata fa'aitiitia puipuiga o ulua'i fa'asologa o tui puipui muamua.


E tusa ai ma tulafono Feterale e faatatau i le aia tatau o tagata, e le faailoga tagata le Public Health – Seattle & King County (Matagaluega mo le Soifua Maloloina Lautele – Seattle & King County) i soo se polokalame po o se gaioiga e faia e tusa ai ma le vasega puipuia a le tagata, e aofia ai ae le gata ai i le race (ituaiga tagata), lanu, tupuaga faaleatunuu, lotu, gender identity (itupa filifilia) (e aofia ai ma le gender expression (itupa faaalia)), sexual orientation (masaniga faafeusuaiga), manaoga faapitoa ona o le lē atoatoa o le malosi, matua o le soifua, ma le tulaga faaipoipo. Afai e i ai sau faaseā ma ua fia faaulu mai sau tagi, pe i ai sau fesili e uiga i se tulaga ua ono aafia ai oe i le faailoga tagata, faamolemole faafesootai le King County Civil Rights Program (Polokalame mo le Aia Tatau o Tagata i King County) i le civil-rights.OCR@kingcounty.gov; 206-263-2446 (faamolemole faailoa mai lou gagana mo le faaliliuga); TTY Relay o le 7-1-1; pe lafo i le meli (401 5th Ave, Suite 800, Seattle, WA 98104).


Link/share our site at kingcounty.gov/vaccine/samoan