Skip to main content
King County Logo
Apr
15

Sualaha had iyo jeer lays weydiiyo talaalka COVID-19

  1. Home
  2. Public Health — Seattle & King County
  3. COVID-19 resources
  4. In-language materials
  5. Af Soomaali – Somali
  6. Talaalka COVID-19
  7. Sualaha had iyo jeer lays weydiiyo talaalka COVID-19

Sualaha had iyo jeer lays weydiiyo talaalka COVID-19

28da Abriil, 2023: Tallaal la cusboonaysiiyay (bivalent) ayaa lagu talinayaa in uu qaato qof kasta oo da'diisu tahay 6 bilood iyo ka weyn.

Tallaallada COVID-19 ee ay ku talisay CDC hada oo la maraayo 19ka Abriil, 2023:

Qof kasta oo da'diisu tahay 6 sano iyo ka weyn waa inuu helaa 1 tallaal oo cusbooneysiisan oo Pfizer ama Moderna COVID-19 ah si loo aqoonsado in uu qaatay tallaal cusbooneysiisan (Ingiriis keliya).

Dadka qaar ayaa laga yaabaa inay helaan xoojiyeyaal COVID-19 oo dheeraad ah:

  • Dadka da'doodu tahay 65 sano iyo wixii ka weyn waxa laga yaabaa inay helaan 1 tallaal dheeraad ah oo xoojiye cusbooneysiisan oo COVID-19 ah 4 bilood ama ka badan kadib tallaalka 1aad ee la cusboonaysiiyay ee COVID-19.
  • Dadka difaaca jidhkoodu si dhexdhexaad ah ama si daran uu u liito waxa laga yaabaa inay helaan 1 tallaal dheeraad ah oo xoojiye cusbooneysiisan oo COVID-19 ah 2 bilood ama ka badan kadib tallaalka 1aad ee la cusboonaysiiyay ee COVID-19.

Carruurta da'doodu u dhaxayso 6 bilood ilaa 5 sano waxa laga yaabaa inay u baahdaan qiyaaso badan oo ah tallaalka COVID-19 si uu u noqdo mid cusbooneysiisan, oo ay ku jiraan ugu yaraan 1 qiyaas oo la cusboonaysiiyay oo ah Pfizer ama Moderna. Waxay kuxirantahay tirada qiyaasaha ay hore u qaateen iyo da'dooda.

Fadlan la xiriir bixiyaha daryeelka caafimaadkaaga haddii aad qabto su'aalo ku saabsan qiyaasta aad u baahan tahay.

U booqo Ku qaado tallaalka King County goobaha tallaalka iyo ballamo.

Su'aalaha ay ka jawaabtay Waaxda Caafimaadka ee Washington

Hel jawaabaha Su'aalaha Inta badan la isweydiiyo ee ku saabsan tallaalka COVID-19 in ka badan 40 luqadood oo ka socda Waaxda Caafimaadka Gobolka Washington, oo ay ku jiraan:

  • Macluumaadka iyo fiidiyowyada ku saabsan badbaadada tallaalka iyo sida tallaalka loo sameeyay
  • Sida tallaalada COVID-19 u shaqeeyaan iyo waxa ku jira tallaalada
  • Macluumaadka ku saabsan tallaalada xoojiyeyaasha
  • Macluumaad loogu talagalay dadka difaaca jirkooda uu hooseeyo
  • Waxyeellooyinka iyo falcelinta suurtagalka ah

Waxay sidoo kale hayaan Su'aalaha Inta badan la isweydiiyo ee loogu talagalay waalidiinta iyo masuuliyiinta ee ku saabsan tallaalka COVID-19 ee carruurta, oo ay ku jiraan:

  • Walaaca ku saabsan COVID-19 iyo carruurta
  • Waxyeelooyinka caadiga ah ee carruurta ku dhaca
  • Tallaallada xoojinta ee carruurta
  • Badbaadada iyo wax utarka carruurta

Isticmaal liiska hoos loo dejiyo ee luqadda si aad u aragto dhammaan luqadaha la heli karo ee ku yaal bogga Waaxda Caafimaadka ee WA ee Su'aalaha Inta badan La Isweydiiyo.

Su'aalaha aan in badan ka maqalnay dadka ku nool Degmada King

Tallaalada COVID-19 waxay yaalaan isbitaalada, farmashiyeyaasha, xarumaha caafimaadka bulshada iyo bixiyeyaasha kale. Baro wax badan oo ku saabsan goobaha laga helo tallalka ee degmada King County.

  • Maya, tallaalka COVID-19 kuma siin karo waxyaalo magnetic ah, oo ay ku jiraan goobta tallaalka (gacantaada).
  • Waxba kuma jiraan tallaallada soo saari kara aaladda elektromagnetic. Dhammaan tallaallada COVID-19 ma lahan wax bir ah sida birta, nikkel, kobal, lithium, iyo aalado dhif iyo naadir ah. Sidoo kale ma haystaan wax soo saar la soo saaray sida microelectronics, electrodes, nanotubes carbon, ama nanowire semiconductors.
  • Ka eeg liistada dhammaystiran ee ka kooban tallaallada COVID-19 qaybta hoose sida ay u shaqayso tallaalka COVID-19.

Kulliyadda Maraykanka ee Dhakhaatiirta Haweenka iyo Dhalmada iyo CDC waxay ku talinayaan in aad qaadatid tallaalka COVID-19 haddii aad uur leedahay, isku dayeyso inaad uur yeelato, ama aad naas nuujineyso. Qaadashada tallaalku waxay ku caawin kartaa adiga iyo ilmahaagaba.

  • Dadka uurka leh waxay halis sare ugu jiraan jirro daran oo ka timaada COVID-19.
  • Tallaaladu aad bay waxtar ugu leeyihiin ka hortagga caabuqa COVID-19, jirro daran, iyo dhimasho, waxaana laga yaabaa in ka-hortagga loo gudbiyo ilmahaaga marka uu koraayo.
  • Tiro sii kordheysa oo xog ah ayaa xaqiijinaysa in qaadashada tallaallada COVID-19 ay aamin tahay xilliga uurka. Ma jirto caddayn muujinaysa in qaadashada tallaalku ay kordhiso khatarta calool-ku-dhimashada uurjiifka. Haddii aad su'aalo qabto, la hadal dhakhtarkaaga.

Haa, waa in lagu tallaalaa iyada oo aan loo eegin haddii aad hore u lahayd COVID-19 iyo hadii kale. Tallaaladu waxay ku siiyaan difaac la saadaalin karo, waxayna u badan tahay inuu difaacaas sii jiro muddo dheer.

Haddii aad hore u qabtay COVID-19, waxay u badan tahay inaad yeelan doonto xoogaha difaac dabiici ah, laakiin tani aad ayay ugu kala duwanaan kartaa dadka dhexdooda. Sidoo kale ma naqaano ilaa inta difaaca dabiiciga ahi uu jiri doono iyo in uu kaa ilaalin doono noocyada kale ee fayraska. Taas macnaheedu waxa weeye in ugu dambayntii uu kugu dhici karo fayraska ama nooc ka duwan kii hore.

Tallaalka xanuunka ka dib waa badbaado wuxuuna ku siin doonaa difaac guud oo aad mustaqbalka kaga hortagi kartid COVID-19.

  1. "Diiwaanka Tallaalkayga" ee gobolka WA (MyIR) Ka raadi tallaalkaaga. Waad heli kartaa haddii aad Gashid MyIR (af Ingiriis) si aad u eegto diiwaanka tallaalkaaga, ka dibna daabac ama shaashadda sawir ka qaad. Haddii aadan lahayn akoonti (sanduuq), waxaad iska qori kartaa MyIR markii aad raabtid.
  2. Adeegso nooca mobilada ee diiwaanka tallaalka gobolka WA, MyIRmobile (af Ingiriis) si aad u hesho shahaadada tallaalka. MyIRmobile wuxuu isbarbar dhigayaa diiwaannada ku saleysan magaca, dhalashada, taleefanka, iyo emaylka. Haddii mid ka mid ah goobahan ay maqan yihiin ama khaldan yihiin, ma awoodi doontid inaad la mid noqoto diiwaankaaga (ma awoodi doontid inaad gasho diiwaankaaga). Waxaad isticmaali kartaa muuqaalka sheekeysiga (waxaad qoraal ahaan kagala hadli kartaa) MyIR Mobile ama fadlan wac 833-VAX-HELP. Turjubaan waa la heli karaa.
  3. Haddii aad ka qaadatay talaalka bixiyahaaga daryeelka caafimaadkaaga, xafiiska dhaktarka waa inuu ku siiyo diiwaankaaga.
  4. Waxaad ku laaban kartaa goobtii lagaa tallaalay oo waxaad kaar cusub weydiisan kartaa maareeyaha xarunta. Waxaa laga yaabaa inay kuu sameyaan kaar cusub.

Ilmahaagu waxa laga yaabaa in cudud xanuun qabto, uu dareemo xanuun oo uu qandho ka qaado tallaalka COVID-19, oo la mid ah waxyeellooyinka tallaallada kale ee carruurta. Waxyeelooyinkan soo raaca waa ku meel gaar waxayna badanaa ku baxaan 1-2 maalmood gudahood.

Kiisaska cudurka bararka ku dhaca muruqaha wadnaha (myocarditis) iyo bararka xuubka dibadda ee wadnaha (pericarditis) ayaa la soo sheegay ka dib tallaalka Pfizer COVID-19 ee dhalinyarada da'da weyn, da'doodu tahay 12-17 sano. Dareen-celintani waa naadir waxayna u badan yihiin ragga da'da yar. Guud ahaan, dadka ku dhacay xaaladahan waxay awoodeen inay si dhakhso ah u bogsadaan ka dib markii la daaweyay.

Tijaabada tallaalka bukaan-socodka ee carruurta da'doodu u dhaxayso 5-11, ma jiraan wax kiisas ah myocarditis muddada saddexda bilood ah ee dabagalka tallaalka ka dib. Tijaabada caafimaadku way socotaa CDC iyo FDA waxay leeyihiin habab si ay u sii wadaan kormeerka iyo ogaanshaha falcelinta suurtagalka ah ama waxyeelooyin kale oo aan caadi ahayn.

Maya. Ma jiro wax caddaynaya in tallaal kasta, oo ay ku jiraan tallaallada COVID-19, ay sababi karaan dhibaatooyin bacrinminta ah oo dhedig ama lab ah. Malaayiin haween ah ayaa uur yeeshay kadib markii ay qaateen tallaalka COVID-19. Haweenka aan la tallaalin waxay halis sare ugu jiraan dhimashada ama dhimashada ilmahooda marka loo eego dumarka laga tallaalay COVID-19.

expand_less