COVID-19 ရပ်စဲစေရန် ပြည်သူ့ကျန်းမာရေး အကြံပြုချက်များ
Public Health Recommendations to Stop COVID-19 in Burmese
2022၊ ဒီဇင်ဘာလ 14 ရက်– အသစ်ပြုလုပ်ထားသည့် ကာကွယ်ဆေးအားမြှင့်ဆေးများကို ယခုရရှိနိုင်ပါပြီ။ အသစ်ပြုလုပ်ထားသည့် ထိုးဆေးများသည် ပြန့်ပွားနေသည့် Omicron မျိုးကွဲများနှင့် မူရင်း COVID ဗိုင်းရပ်စ် မျိုးစိတ်တို့ကို ပစ်မှတ်ထားပါသည်။
အောက်ပါအခြေအနေများတွင် သင်သည် အသစ်ပြုလုပ်ထားသည့် ကာကွယ်ဆေးအားမြှင့်ဆေး ထိုးသင့်ပါသည်-
- သင်က 6 လ သို့မဟုတ် ယင်းအထက် ဖြစ်ပါသည်၊
- သင်သည် (Moderna/Pfizer/Novavax ပထမ ၂ ကြိမ် သို့မဟုတ် Johnson & Johnson ၁ ကြိမ်) ပထမထိုးဆေးအစဉ်ကို ထိုးပြီးပြီး
- နောက်ဆုံးအကြိမ် သင်ဆေးထိုးခဲ့သည်မှာ အနည်းဆုံး ၂ လကြာပြီဖြစ်သည် (သင်နောက်ဆုံးအကြိမ် ထိုးသည့်ဆေးမှာ ပထမအကြိမ်ထိုးဆေး သို့မဟုတ် အားမြှင့်ဆေး ဖြစ်နိုင်ပါသည်)။
ဆေးထိုးရန်သတ်မှတ်ချက်နှင့် ပြည့်မီသူတိုင်းသည် အသစ်ပြုလုပ်ထားသော အားမြှင့်ဆေးကို ထိုးသင့်ပြီး၊ အထူးသဖြင့် အသက် ၅၀ ကျော်သူ သို့မဟုတ် ကိုယ်ခံအားနည်းသူ သို့မဟုတ် ဆီးချို သို့မဟုတ် နှလုံးရောဂါရှိသူများ ထိုးသင့်ပါသည်။
မှတ်ချက်- Pfizer အခြေခံစီးရီးများထိုးနှံရသည့် အသက် 6 လမှ 4 နှစ်အထိ ကလေးများသည် စုစုပေါင်းထိုးဆေး 3 လုံး ထိုးနှံရပါမည်။ ၎င်တိုးအနေဖြင့် ထိုးဆေးစီးရီးများကို မထိုးရသေးပါက ၎င်းတို့၏ တတိယမြောက် အဓိကထိုးဆေးအဖြစ် Pfizer နှစ်မျိုးစပ် ကာကွယ်ဆေးများကို ထိုးနှံရပါမည်။ သင့်ကလေးသည် Pfizer အဓိက စီးရီး 3 လုံးကို ထိုးနှံထားပြီးဖြစ်ပါက နှစ်မျိုးစပ် အားဖြည့်ထိုးဆေးကို မထိုးနှံရပါ။
ကာကွယ်ဆေးအကြောင်း နောက်ထပ်အချက်အလက်များကို (ဝါရှင်တန်ပြည်နယ် ကျန်းမာရေးဌာန) Washington State Department of Health ၏ COVID-19 ကာကွယ်ဆေးစာမျက်နှာတွင ဝင်ရောက်ကြည့်ရှုပါ။
ကိုရိုနာဗိုင်းရပ်စ်ပိုး ပြန့်ပွားမှုကို ထိန်းချုပ်ရာတွင်နှင့် တစ်ဦးနှင့်တစ်ဦး ဘေးကင်းနေစေရာတွင် အထောက်အကူပြုရန် ဤဆောင်ရွက်ချက်များကို လုပ်ဆောင်ပါ။
ကာကွယ်ဆေး ထိုးခြင်းသည် အကောင်းဆုံး အကာအကွယ် ဖြစ်သည်။ ကာကွယ်ဆေး အပြည့်အဝထိုးထားသူများသည် ယခုအခါ ပိုမိုများပြားသော အရာများကို ဘေးကင်းစွာ လုပ်ကိုင်နိုင်ပြီး လူမှုအသိုင်းအဝိုင်းတွင် COVID-19 လျော့နည်းစေရန် ကူညီနိုင်ပါသည် (ဝက်ဘ်ဆိုက်မှာ အင်္ဂလိပ်ဘာသာနှင့် ဖြစ်သည်)။
(လူများသည့်နေရာများကဲ့သို့) အန္တရာယ်မြင့်များသည့် အနေအထားများတွင် မျက်နှာဖုံးတပ်ထားခြင်းသည် လူတိုင်းကို ကာကွယ်ရန် အထောက်အကူပြုပါသည်။ ကလေးငယ်များနှင့် ဗိုင်းရပ်စ်ပိုးကို တိုက်ခိုက်နိုင်စွမ်း ပိုမိုနည်းပါးသည့် ကျန်းမာရေး မကောင်းသူများကဲ့သို့ ကာကွယ်ဆေးထံမှ အကာကွယ် အပြည့်အ၀ မရနိုင်သော သူများကို ကာကွယ်ရန် အထူးအရေးကြီးပါသည်။
သင်၌ COVID-19 ရောဂါလက္ခဏာများ ရှိလျှင် သို့မဟုတ် စမ်းသပ်၍ ပိုးတွေ့ရှိထားသူ တစ်စုံတစ်ဦးနှင့် အနီးကပ် ထိတွေ့မှုရှိခဲ့လျှင် Gစစ်ဆေးမှု ခံယူပါ (ဝက်ဘ်ဆိုက်မှာ အင်္ဂလိပ်ဘာသာနှင့် ဖြစ်သည်)။
သင့်အား COVID-19 စမ်းသပ်၍ ပိုးတွေ့ရှိလျှင် သို့မဟုတ် ဤရောဂါမှ ရရှိမည့်အန္တရာယ် သင်၌ ပိုမိုမြင့်မားပါက၊ COVID-19 စောစောကုသခြင်းက (အချက်အလက်များကို အင်္ဂလိပ်ဘာသာနှင့်သာ ပေးထားသည်) ပြင်းထန်သည့် နာမကျန်းဖြစ်မှုနှင့် ဆေးရုံတက်ရခြင်းတို့မှ ကာကွယ်ရာတွင် အထောက်အကူပြုနိုင်ပါသည်။ သင့်အား ဆေးကုရန်အကြံပြုခြင်း ရှိမရှိ သင်၏ကျန်းမာရေး စောင့်ရှောက်ကုသပေးသူအား မေးပါ။
ကာကွယ်ဆေးထိုးမထားသူများ ပါဝင်မည်ဆိုပါက လှုပ်ရှားမှု အနည်းအကျဉ်းသာ လုပ်ပြီး ပြင်ပတွင် ပြုလုပ်ပါ။ ဤဗိုင်းရပ်စ်ပိုးသည် အဆောက်အဦအတွင်းတွင် အလွယ်တကူ ပြန့်ပွားသဖြင့်၊ လုပ်ငန်းများနှင့် အဖွဲ့အစည်းများသည် အဆောက်အဦအတွင်း လေ၀င်လေထွက် ကောင်းစေခြင်းနှင့် လေစစ်သည့် စက်များကို အသုံးပြုခြင်း အားဖြင့် လေထဲရှိ ဗိုင်းရပ်စ်ကို လျော့နည်းစေနိုင်ပါသည် (ဝက်ဘ်ဆိုက်မှာ အင်္ဂလိပ်ဘာသာနှင့် ဖြစ်သည်)။
COVID-19 ဆိုင်ရာ လမ်းညွှန်ချက်
- ကာကွယ်ဆေးအမျိုးအစားများကို နှိုင်းယှဉ်ပါ၊ ဝါရှင်တန် ပြည်နယ် ကျန်းမာရေးဌာန
- အသက်အရွယ်အားလုံးအတွက် COVID-19 ကာကွယ်ဆေးထိုးနှံမှု ညွှန်းကိန်းလမ်းညွှန်၊ ဝါရှင်တန် ပြည်နယ် ကျန်းမာရေးဌာန
- COVID-19 ကာကွယ်ဆေးရနိုင်သည့် တည်နေရာများကို ရှာဖွေရန်၊ ဝါရှင်တန် ပြည်နယ် ကျန်းမာရေးဌာန
- ကိုဗစ်-19၊ ဝါရှင်တန် ပြည်နယ် ကျန်းမာရေးဌာန
- ကိုဗစ်-19 ကာကွယ်ဆေး၊ ဝါရှင်တန် ပြည်နယ် ကျန်းမာရေးဌာန
- ကိုရိုနာ ဗိုင်းရပ်စ်၊ ရောဂါထိန်းချုပ်ရေးစင်တာများ
အချက်အလက်များကို ဖော်ပြသည့် ရုပ်ပုံများ
သင်၏ COVID-19 ရောဂါလက္ခဏာများကို အိမ်၌ကိုင်တွယ်ထိန်းသိမ်းခြင်း
Link/share our site at kingcounty.gov/covid/burmese