Vakatutu ni tabana ni bula me tarova na COVID-19 (Fijian)

Epereli 28, 2023: E dua na icula vakavoutaki (bivalent) ni itatarovi ni matetaka e vakaturi vei ira na gone era vula 6 se sivia.

Na ikuri ni wainimate vou (bivalent) e vakamatea na tiki ni manumanu ni mate na Omicron era veidewavi sara tiko ena tikotiko. Na wainimate qo e vakamatea tale ga na manumanu ni mate taumada e basika kina na COVID. O ira kece era cula ena icula vou duadua (volai ga Vakavalagi) ni wainimate kece e vakaturi era rawa ni taqomaki vakavinaka mera kua ni tauvimate bibi ena COVID-19.

Na wainimate ni itatarovi ni COVID-19 e vakatura na CDC (Centers for Disease Control and Prevention, Valenivolavola e Qarava na Veimataqali Mate kei na Tataqomaki) ena Epereli 19, 2023:

O ira kece na yabaki 6 se sivia mera cula vaka dua ena ikuri ni icula ni COVID-19 na Pfizer se Moderna e kilai me kena e vou duadua (volai ga Vakavalagi).

Eso na tamata era na rawa ni cula ena ikuri ni icula ni COVID-19:

O ira na yabaki 65 se sivia era na cula ena dua tale na ikuri ni cula ni COVID-19 ni oti e 4 tale na vula nira sa cula oti ena imatai ni ikuri ni cula ni COVID-19.
O ira e vakaleqai vakalailai se vakaleqai vakaca sara na sotia ni yagodra era rawa ni cula ena dua na ikuri ni cula ni COVID-19 ena loma ni 2 se sivia na vula ni oti na imatai ni ikuri ni cula ni wainimate ni COVID-19.

O ira na gone vula 6 ina yabaki 5 ena gadrevi mera cula vakavica ena wainimate ni COVID-19 me rawa ni vaka na kena ivakarau e gadrevi, wili kina e dua na ikuri ni cula na Pfizer se Moderna. E vakatau ena iwiliwili ni icula e soli vei ira kei na yabaki ni nodra bula.

Kevaka o via kila e vica na ivakarau mo cula kina mo qai veitaratara kei nomu vuniwai se valenibula o dau lai laurai kina.

Ke o via kila eso tale na itukutuku e vauca na icula ni itatarovi, gole ina tabana ni COVID-19 Vaccine mai na Tabana ni Bula e Washington (website e volai ga Vakavalagi).

Vakayacora qo me rawa ni lewai vinaka kina na mate na coronavirus meda rawa ni taqomaki.

Na veitaqomaki vinaka duadua na nomu cula ena wainimate ni tatarovi (Volai ga Vakavalagi). O ira na sa cula oti era sa rawa ni vakayacora e levu na ka era veivuke tale ga ena kena vakalailaitaki na mate na COVID-19 ena itikotiko.

Mo daramaka na iubi ni mata ena vanua e ririkotaki vakalevu ni rawa ni veidewavi kina na mate (me vaka na veivanua osooso) ni rawa ni taqomaki ira e levu. E bibi dina mera qarauni o ira era sega ni rawa ni taqomaki vinaka mai na icula, me vakataki ira na gone kei ira era tautauvimate e dredre mera valuta na manumanu ni mate.

Mo dikevi ke o vakila na ivakatakilakila ni COVID-19 se o veitaratara voleka kei na dua sa dikevi ni tauvi koya na mate.

Ke mani dikevi ni tiko vei iko na COVID-19 se ririkotaki ni na dewavi iko na mate qori, na kena qaravi totolo na mate ni COVID-19 (Volai ga Vakavalagi) ena taqomaki iko mo kua ni tauvimate bibi se tini curu e valenibula. Mo taro ena vanua o dau lai laurai kina ke gadrevi mo qaravi vakavuniwai.

Me lailai ga na soqo e vakayacori qai vakayacora e tautuba ke ra na mani vakaitavi kina o ira na sega ni se cula. E tete totolo na manumanu ni mate ena loma ni vale, e rawa gona vei ira na daunibisinisi kei na isoqosoqo mera vakalailaitaka na tete ni mate ena cagi nira doladolava na loma ni vale se vakayagataka na vulo ni cagi (website e volai ga Vakavalagi).

Veivuke e vakarautaki

Kevaka o gadreva na veivuke ni vakadewa ena so tale na vosa se veivuke ena initaneti, qirita na Talevoni ni iTukutuku ni COVID-19 ni Matanitu o Washigton. Keitou na sega ni taroga na itukutuku ni nomu curuvanua. Era na vukei na tamata kece se mani vakacava na ituvaki ni nodra curuvanua.

Mo kerea na daunivakadewa:

Qirita na 1-800-525-0127 qai tabaka na #.
Ena rogo mai e dua na itukutuku. Waraka me sauma na qiri na kena vakailesilesi.
Tukuna na vosa o vinakata.
Ena qirita na dauveiqaravi ni vakadewa o koya e sauma na qiri. Taura tiko ga na talevoni. Taura tiko ga na talevoni me yacova ni sa vosa mai na daunivakadewa.

Kevaka e vakaleqai na ituvaki ni yagomu qai o gadreva na veivakaicilitaki mo rawa ni cula ena wainimate ni itatarovi ni COVID-19, imeli ina publichealthaccommodations@kingcounty.gov.

Veituberi ena COVID-19

Vakatauvatana na mataqali icula ni itatarovi, Tabana ni Bula e Washington
Raica na veidusimaki vou duadua ni veika e vauca na icula ena itatarovi, Tabana ni Bula e Washington
Raica na vanua e tiko kina na wainimate ni VAKADD-19, Tabana ni Bula e Washington
Tabana ni COVID-19 Vaccine, Tabana ni Bula e Washington
Gauna ni Vakatui, Valenivolavola ni Lewai ni Mate Veitauvi

iVakatautauvata ena iyaloyalo

Bula qaqarauni e vale kevaka ko tauvi COVID-19

Tu vakarau ni veivuke. Ena vukei keda na noda cakacakavata ena gauna dredre eda sotava tiko oqo.

Link/share our site at www.kingcounty.gov/covid/fijian