COVID-19ን ለማስቆም የህዝብ ጤና ምክሮች

ዲሴምበር 14፣ 2022፣ የተሻሻሉ የማጠናከሪያ ዙር ክትባቶች አሁን ይገኛሉ። የተሻሻሉ የማጠናከሪያ ዙር ክትባቶች ትኩረት የሚያደርጉት እየተሰራጩ ያሉትን ተለዋዋጭ ዖሚችሮን እና እንዲሁም የመጀመሪያውን የ COVID ቫይረስ አይነት ይሆናሉ።

የተሻሻውን የማጠናከሪያ ዙር ክትባት ማግኘት ያለብዎት፣

• 6 ወር ወይም ከዚያ በላይ ነዎት፣
• የመጀመሪያዎቹን ተከታታይ ክትባቶችዎን ከጨረሱ(የመጀመሪያዎቹ 2 ዙሮች የሞደርና፣ የፋይዘር፣ ኖቫቫክስ ወይንም ወይም 1ዙር ጆንሰን እና ጆንሰን)፣ እና
• የመጨረሻውን ዙር ከወሰዱ ቢያንስ 2 ወራት ከአለፉ(የመጨረሻው ዙር የመጀመሪያዎቹ ተከታታይ ክትባቶች ወይም የማጠናከሪያ ዙር ሊሆን ይችላል)።

እያንዳንዱ ብቁ የሆነ ሰው ሁሉ የተሻሻለውን የማጠናከሪያ ዙር ክትባት ማግኘት አለበት፣ እናም በተለይ ከ50 ዓመት በላይ የሆኑ ወይም በሽታ መከላከል አቅማቸው የተዳከመ ወይም እንደ የስኳር በሽታ ወይም የልብ ህመም የጤና እክሎች ያላቸው።

ማስታወሻ፦ የ Pfizer የመጀመሪያ ዙርን የወሰዱ ዕድሜያቸው ከ 6 ወር እስከ 4 ዓመት የሆኑ ልጆች በአጠቃላይ 3 ዶዞችን ይወስዳሉ። እስካሁን ይህን ዙር ካልጨረሱ፣ እንደ ሶስተኛ የመጀመሪያ ዶዛቸው የ Pfizer ባይቫለንት ክትባትን ይወስዳሉ። ልጅዎ ባለ 3-ዶዝ የ Pfizer የመጀመሪያ ዙርን አስቀድሞ ካጠናቀቀ፣ የባይቫለንት ማጠናከሪያ ዶዝ አይወስድም።

የክትባት ቦታዎችን እና ቀጠሮዎችን ለማግኘት በኪንግ ካውንቲ ውስጥ እንዴት ክትባት ማግኘት እንደሚቻል የሚገልጸውን ድህረገፅ ይጎብኙ።

በራሪ (PDF): ወቅታዊ የ COVID-19 ማጠናከሪያ ዙር ክትባት